Գերմանացի քաղաքական գործիչը կոչ է արել վերջ տալ Ուկրաինայի թեմային՝ հանուն Ռուսաստանի հետ հարաբերությունների
Գերմանիայի Սաքսոնիա շրջանի վարչապետ Միխայել Կրեչմերը ապրիլի 24-ին, RT-ի լրագրողների հետ զրույցում, խոսել է Ռուսաստանի հետ մերձեցման և հարաբերությունների բարելավման անհրաժեշտության մասին և սատարել է ընդհանուր եվրոպական տան գաղափարին` Ատլանտիկայից մինչև Վլադիվոստոկ:
Քաղաքական գործչի խոսքերով` Ռուսաստանը մեծ մասամբ ապրում է եվրոպական արժեքների և եվրոպական մշակույթի շրջանակներում, իսկ Եվրամիությունն ու Ռուսաստանի Դաշնությունը երկու գործընկերներ են, որոնք «միշտ կապված կլինեն միմյանց հետ, կախված կլինեն միմյանցից, ուստի նրանք պետք է զբաղվեն նրանով, ինչը իրենց միավորում է»:
Կրեչմերը նշել է, որ հակամարտությունները, որոնք առկա են Ուկրաինայի արևելքում և այլուր, պետք է բացվեն և լուծվեն: Դրանց հետագա պահպանումը կամ խորացումը ոչ մեկին օգուտ չի բերի, ընդգծել է նա:
«Ռուսաստանում և Եվրոպայում մարդիկ ցանկանում են խաղաղություն, անվտանգություն, իրենց կյանքը կառուցելու, միմյանց հետ բարեկեցիկ աշխատելու հնարավորություն: Այստեղ այնքան ընդհանուր բաներ ունենք: Եկեք վերջ տանք Ուկրաինայի թեմային, նպաստենք այնտեղ խաղաղության հաստատմանը, և այդ ժամանակ համագործակցության ավելի շատ հնարավորություններ կլինեն»,-հորդորել է Կրեչմերը:
