Բնակարաններ, հողամասեր, ավտոմեքենա. Ինչ ունեցվածք ունի Հրաչ Հակոբյանը
Վերջին օրերի ամենաքննարկված պաշտոնյաներից մեկը՝ Նիկոլ Փաշինյանի աներձագ Հրաչյա Հակոբյանը, ով ԱԺ պատգամավոր է, պաշտոնը ստանձնելու պահին ունեցեցել է 3 անշարժ գույք մեկ հողամաս, երկու բնակարան:
Հակոբյանը նաև ունեցել է երկու ավտոմեքենա BMW X5 և ISUZU AXIOM:
Հակոբյանը արժեթղթեր է ունեցել, իսկ ահա եկամուտի աղբյուրների ու եկամուտի մասին որևէ տվյալ չի եղել:
2018 թվականի ներկայացրած տարեկան հայտարարագրում անշարժ գույք գնելու կամ վաճառելու մասին տվյալներ չկան:
Ինչ վերաբերում է շարժական գույքին, դրանք արդեն դարձել են 4-ը՝ HYUNDAI SONATA, 2 հատ BMW X5 ու ISUZU AXIOM : Ընդ որում, հարկային տարվա սկզբին, այս մեքենաներից առկա եղել միայն վերջինը: Հարկային տարում Հակոբյանը 2,8 միլիոն դրամով գնել է HYUNDAI SONATA ու 2 միլիոնով BMW X5: Մյուս BMW X5-ի մասին որևէ բան չի հայտնվում: Հարկային տարվա վերջում Հակոբյանն ունեցել միայն մեկ ավտոմեքենա՝ HYUNDAI SONATA-ն: Տարվա ընթացքում ձեռք բերված ավտոմեքենայի մասին որևէ բան չկա, միայն նշվում է, որ այն առկա չէ, իսկ ահա մյուս երկուսը՝ BMW X5-ն ու ISUZU AXIOM-ը վաճառվել են 2-ական միլոն դրամով:
Եկամուտի բաժնում նշված են 2-ական միլիոն դրամներն ու 4,5 միլիոն դրամ:
2019 թվականի տարեկան հայտարարագրում նշված է, որ հարկային տարվա սկզբում Հակոբյանն ունեցել է արդեն 4 անշարժ գույք՝ բնակարաններ՝ երկուսն էլ Շենգավիթում (առաջինի դեպքում՝ բաժնային սեփականություն, երկրորդի՝ համատեղ սեփականություն) և հողամասեր՝ երկուսն էլ Ավանում, երկու դեպքում էլ՝ միանձնյա սեփականատեր:
Հարկային տարվա վերջում անշարժ գույքի մասով փոփոխություն չի եղել:
Շարժական գույքի մասով առանձնապես նորություներ չկան՝ նշվում է միայն HYUNDAI-ի մասին, որը ձեք է բերվել 2018 թվականի սեպտեմբերի 18-ին:
Արժեթղթերի մասով ևս նորություն չկա՝ նույն պատկերն է:
Հարկային տարվա սկզբում Հակոբյանի դրամական միջոցները (բանկային հաշիվներ)՝ մոտ 2 միլիոն դրամ, հարկային տարվա վերջում՝ 3,2 միլիոն դրամ, 2 հազար եվրո, 4 հազար ԱՄՆ դոլար:
Կանխիկ գումարի մասով հարկային տարվա սկզբում զրոներ են, վերջում՝ 700 հազար դրամ:
Հարկային տարում Հակոբյանի եկամուտը կազմել է մոտ 9 միլիոն դրամ (8,977,620 դրամ)
