Թուրքիայի Ազգայնական շարժում կուսակցության նախագահ Դեւլեթ Բախչելինի հայտարարությունը
Թուրքիայի Ազգայնական շարժում կուսակցության նախագահ Դեւլեթ Բախչելին հայտարարել է, որ հարկավոր է, որպեսզի Թուրքիան մարտական հերթապահության կանգնեցնի ռուսական С-400 համակարգերը, որոնք ձեռք է բերել Ռուսաստանից` ի պատասխան ԱՄՆ նախագահ Ջո Բայդենի կողմից Օսմանյան կայսրությունում իրականացված Հայոց Ցեղասպանության ճանաչման:
Թուրք ազգայնականը կարծում է, որ Բայդենը ատելության հրահրման հիմքով հանցագործություն է կատարել, ինչին ի պատասխան, Անկարան պետք է ակտիվացնի C-400 համակարգերը եւ պահանջի F-35-ների դիմաց վճարած կանխավճարի հետ վերադարձ: Բախչելին կարծում է, որ ներկայումս թուրք-ամերիկյան հարաբերությունները պատմական խաչմերուկում են գտնվում:
