Իսրայելը ևս 9000 պահեստազորայինի մոբիլիզացիա է հայտարարել
ՀասարակությունԻսրայելի պաշտպանության նախարար Բենի Գանցը հաստատել է ևս 9000 պահեստազորայինների մոբիլիզացիա իրականացնելու որոշումը՝ պաղեստինցիների հետ համակարտության սրման ֆոնին:
Ինչպես փոխանցում է «ՌԻԱ Նովոստի»-ն՝ հղում անելով բանակի մամուլի հաղորդագրությանը, որոշումը պայմանավորված է «օպերատիվ պահանջներով և կայացվել է անվտանգության շուրջ իրավիճակի գնահատումից հետո»:
Նախօրեին նախարարը նշել էր, որ Թել Ավիվը կշարունակի ավիահարվածներ հասցնել պաղեստինյան խմբավորումների դիրքերի ուղղությամբ, քանի դեռ լիակատար լռություն չի հաստատվել:
Այսօր ավելի վաղ Իսրայելի վարչապետ Բենյամին Նեթանյահուն ևս հանդես է եկել նման հայտարարությամբ:
Հիշեցնենք, որ իսրայելցիների և պաղեստինցիների միջև բախումները սաստկացել են Երուսաղեմում մայիսի 7-ին տեղի ունեցած միջադեպից հետո: Արաբ երիտասարդների և ոստիկանության միջև բախումները բռնկվել են մայիսի 8-ի երեկոյան, այնուհետև շարունակվել՝ տարածվելով Տաճարի լեռան և Ալ-Աքսա մզկիթի տարածքում: Դրանք իրենց գագաթնակետին հասել են մայիսի 10-ին, երբ հրեաները նշում են Երուսաղեմի օրը: Բախումների ընթացքում կան զոհեր և վիրավորներ, այդ թվում՝ խաղաղ բնակչության շրջանում: Իսրայելի բանակը հայտարարել Է, որ ոչնչացրել Է ՀԱՄԱՍ-ի հետախուզության հանգուցային դեմքերի, այդ թվում՝ ՀԱՄԱՍ-ի ռազմական հետախուզության անվտանգության բաժնի ղեկավարին ու նրա տեղակալին:
