Եթե իրավիճակը պայթունավտանգ է, ինչո՞ւ պահեստազորի հավաք չի իրականացվում. սա՝ որպես իրավիճակից բխող գործողություն, անհրաժեշտ գործողությունների շարքը երկար է. Տիգրան Աբրահամյան
ՔաղաքականությունԵթե իրավիճակը պայթունավտանգ է, ճգնաժամային՝ ինչպես վարչապետն է պնդում, ինչո՞ւ պահեստազորի մասնակի կամ ամբողջական հավաք չի իրականացվում։ Այս մասին ֆեյսբուքյան իր էջում գրել է «Հենակետ» վերլուծական կենտրոնի ղեկավար Տիգրան Աբրահամյանը:
«Որովհետև վարչապետի հայտարարությունից ստացվում է, որ ռազմական գործողությունների վերսկսման ռիսկ կա, իսկ այս պարագայում անհրաժեշտ քայլերի իրականացման խնդիր կա։
Պահեստազորի հավաքը պայմանական եմ ասում՝ որպես իրավիճակից բխող գործողություն, բայց անհրաժեշտ գործողությունների շարքը երկար է։
Աստված տա զորահավաքի անհրաժեշտություն չլինի, սակայն լրացուցիչ միջոցառումները չեն խանգարի։
ՀԳ. Հասկանում եմ, որ առաջարկս շատերի համար ոչ պոպուլյար է, շատերն այս իրավիճակից վաղուց հոգնել են, սակայն եթե իրադրությունն այնպիսին է, ինչպես վարչապետն է ներկայացնում, ապա պետք է արագ գործել»,- գրել է նա:
