Համաշխարհային երրորդ պատերազմը կլինի առանց տանկերի ու զենքի․ քաղաքագետ
ՔաղաքականությունԵթե տեղի ունենա համաշխարհային երրորդ պատերազմ, ապա այն կլինի առանց տանկերի ու հրետանու, իսկ հիմնական զինվորները կլինեն գաղտնի բանակները: Այսպիսի կարծիք է հայտնել Գերմանիայի դաշնային Բադեն-Վյուրթեմբերգ նահանգի նախկին վարչապետ Գյունտեր Էթինգերը Handelsblatt թերթում հրապարակված հոդվածում:
«Մի բան հաստատ է. Երրորդ աշխարհամարտը տեղի չի ունենա ցամաքում, ջրի վրա և օդում, այլ ավելի շուտ՝ վիրտուալ կերպով, կիբերտարածքում՝ առանց տանկերի և զենքերի»,-գրել է նա:
Քաղաքական գործիչը հիշեցրել է մի քանի կիբերհարձակումներ արևմտյան երկրներում, այդ թվում՝ 2015-ին Անգելա Մերկելի համակարգչի կոտրումը, Իռլանդիայում առողջապահական համակարգի վրա հարձակումը, Colonial Pipeline և Solarwinds ընկերություններն ԱՄՆ-ում, ինչպես նաև ամերիկյան և գերմանական պետական գործակալությունները: Ըստ Էթինգերի, ենթադրաբար, այս ամենի հետևում կանգնած են ռուս հաքերներն ու հետախուզության ծառայողները:
Փորձագետը նաև նշել է, որ ամենամեծ կիբեր ուժերը ներառված են Ռուսաստանի Դաշնությունում, ԱՄՆ, Չինաստան, Իսրայել և Իրան: Միևնույն ժամանակ, Մոսկվան ամենահզորն է ցուցակում, հավելել է քաղաքական գործիչը:
Նա հորդորել է Գերմանիային կենտրոնանալ կիբերպաշտպանության վրա, քանի որ Գերմանիան, նրա կարծիքով, շատ հետ է իր մրցակիցներից:
Էթինգերը նաև նշել է, որ ԵՄ-ն ընդամենը մեկուկես միլիարդ եվրո է հատկացրել կիբերտարածությունում 2021-2020 թվականների ժամանակահատվածի պաշտպանության համար, ինչը նշանակում է, որ միության յուրաքանչյուր անդամ տարեկան ստանում է տաս միլիոն եվրոյից պակաս:
