Մեսին չի խաղա «Էյբարի» դեմ
Սպորտ
«Բարսելոնայի» հարձակվող Լիոնել Մեսին չի խաղա «Էյբարի» դեմ Իսպանիայի առաջնության վերջին տուրում, հաղորդում է կատալոնական ակումբի մամուլի ծառայությունը։
«Բարսելոնայի» հոլանդացի գլխավոր մարզիչ Ռոնալդ Կումանը 33–ամյա ֆուտբոլիստին թույլ է տվել բաց թողնել վերջին մարզումները եւ մրցաշրջանի վերջին հանդիպումը։
Ընթացիկ մրցաշրջանում Մեսին «Բարսելոնայի» հետ մասնակցել է 47 հանդիպման, խփել 38 գոլ, կատարել 14 գոլային փոխանցում։
«Էյբար» – «Բարսելոնա» հանդիպումը տեղի կունենա մայիսի 22–ին եւ կմեկնարկի Երեւանի ժամանակով 20։00–ին։ «Բարսելոնան» 76 միավորով երրորդ տեղում է եւ 2 միավոր է առաջ չորրորդ տեղում ընթացող «Սեւիլիայից»։ Երկրորդ տեղում գտնվող «Ռեալն» ունի 81 միավոր։
