Փաշինյանի ու ԱԳՆ-ի դիրքորոշումների տարբերությունը
Հասարակություն
Սուրեն Սուրենյանց-ը ֆեյսբուքյան իր էջում գրել է․
Դելիմիտացիայի ու դեմարկացիայի հարցում վարչապետի ու ԱԳՆ-ի դիրքորոշումները սկզբունքորեն տարբերվում են։
Փաշինյանն այդ գործընթացը տեսնում է եռակողմ ձևաչափով, որտեղ ստորադասվում է ինչպես եռանախագահության ինստիտուտը, այնպես էլ՝ ԼՂ խնդրի քաղաքական կարգավորումը։
ԱԳՆ-ն շեշտը դնում է հակամարտության կարգավորման գերակայության վրա՝ միայն այդ համատեքստում դիտարկելով դելիմիտացիայի ու դեմարկացիայի խնդիրները ու, բնականաբար, առաջին առաջին պլան է բերվում ԵԱՀԿ ՄԽ-ն։
Ինձ ավելի հոգեհարազատ է երկրորդ տարբերակը, սակայն նույնիսկ դա չէ էականը, այլ այն, որ Հայաստանի համար սկզբունքային այս հարցում պետական համակարգը ցուցաբերում է ոչ միասնական դիրքորոշում, ինչն, անշուշտ, օգտագործվելու է մեր հակառակորդի ու նրա հովանավորների կողմից։
