Հերթական սահմանային միջադեպն է տեղի ունեցել
ՀասարակությունՀերթական բախումն է տեղի ունեցել հնդկա-չինական սահմանին՝ հնդիկ եւ չինացի սահմանապահների միջեւ Տավանգի սեկտորում, որը գտնվում է Արունաչալ-Պրադեշ նահանգում, երկու երկրների սահմանին։ Այս մասին հայտնում է The Indian Express պարբերականը։
Բախումը տեղի է ունեցել այն բանից հետո, երբ չինական հարյուր հոգանոց զորախումբը ներխուժել է այն տարածք, որը հնդկական կողմն համարում է իրենը։ Բախումը տեւել է մի քանի ժամ։ Եւ չինական եւ հնդկական զորախմբերը համալրվել են նոր ուժերով։ Միջադեպն հնարավոր է եղել կարգավորել այն բանից հետո, երբ բանակցություններ են սկսել երկու կողմերի հրամանատարական կազմի ներկայացուցիչները։ Վերջին անգամ նման միջադեպ տեղի էր ունեցել 2016 թվականին։
Այս տարվա օգոստոսին էլ ավելի փոքր մասշտաբի բախում տեղի էր ունեցել Բարախոթի սեկտերում, երբ կրկին չինացի զինվորականները ներխուժել էին այն տարածք, որը հնդիկները համարում են իրենցը՝ Ուտարակհանդ նահանգում։
