Սկանդալ. Մագան կրկին վիրավորել է Սուրենին՝ նրան անվանելով սահմանափակ տղամարդ (լուսանկար, տեսանյութ)
Սկանդալային բլոգեր Մագան հանրությանը հայտնի էր դարձել հատկապես «Քաղցած սպասում են» հաղորդման ժամանակ տեղի ունեցած միջադեպից հետո, երբ չէր կարողացել պատասխանել, թե ի՞նչ կլինի 7×6, ապա կատակելով ասել էր. «Աղյուսյակն ի՞նչ է»:
Մագան կրկին անդրադարձել է Սուրենին, քանի որ վերջինս հաղորդման հերթական թողարկման ժամանակ նշել է, որ որոշ մարդկանց սահմանափական գիտելիքների պատճառով սկանդալ էր եղել, սակայն անուններ չի տալիս, որ չգովազդի նրանց:
Այս մտքից հետո Մագան ասել է, որ Սուրենը չի կարող գովազդ անել իրեն, քանի որ Սուրենը գովազդվում է հենց այն մարդկանց շնորհիվ, ում տուն հյուր է գնում:
Մագան Սուրենին և Դավիթին «սահմանափակ» տղամարդիկ է անվանել:
Հիշեցնենք, որ Մագան Starnews-ին ավելի վաղ ասել էր, որ ինքը պարզապես ձեռք էր արել Սուրենին.
«Պարզապես, երբ նրանք իմ հյուրն են, ու ես ստիպված էի, ավելի ճիշտ՝ իմ դաստիարակությունից ելնելով՝ ինձ թույլ չեմ տվել վիրավորել կամ վատ ձևով խոսել նրանց հետ, չեմ տվել նրանց արժանի պատասխանը…Կոպիտ ասած՝ արդարացրել եմ իրենց սպասելիքները՝ ասելով չգիտեմ, սակայն եթե ասում եմ՝ չգիտեմ, դա չի նշանակում, որ իսկապես չգիտեմ: Ես պարզապես ծաղրել եմ նրանց նույն ձևով, ինչպես իրենք էին դա անում: Նույնիսկ թողարկման ժամանակ մի պահ հումոր եմ արել՝ ասելով՝ ինչպե՞ս կարող է տիկտոկերը դա իմանա: Հեգնել էի նրանց: Սուրենը երկու տարուց պապիկիս թայ է դառնալու»:
Հավելենք, որ Սուրեն Շահվերդյանը Starnews-ի հետ զրույցում նշել էր հետևյալը.
«Եթե Մագան հաշվել իմանար, կհասկանար, որ ես երկու տարի հետո իր պապիկի տարիքին չեմ կարող լինել, սա ևս մեկ անգամ ապացուցում է նրա մաթեմատիկական ունակությունների «թռիչքը»: Եվս մեկ ապացույց, որ նա պրիմիտիվ հաշվել չգիտի: Հաղորդման ընթացքում պարզ երևացին նրա գիտելիքները: Նրա գործունեությունը վտանգավոր է երիտասարդների համար, քանի որ նա շատ դեռահասների համար օրինակ է: Շատ բլոգերներ, լինելով անհեթեթ և տգետ, վտանգ են ներկայացնում, քանի որ լուրջ քանակի հետևորդներ ունեն: Ի դեպ, հաղորդման մեջ Մագան ասում է, որ Աստված չանի իր հետևորդները պակասեն, ինձ համար ցանկալի է, որ այդպես լինի, քանի որ երիտասարդների խորհուրդ կտամ հետևել լուրջ մարդկանց, գրագետ մարդկանց, ովքեր կարող են օգուտ տալ հասարակությանը: Մագան վատ օրինակ է ծառայում: Մեր ցավը և դժբախտությունը գալիս են տգիտությունից, տգետների մի մեծ խումբ հայտնվել է մեր իշխանության մեջ, որոշում կայացնողների մեջ շատ են նրանք, մարդիկ, ովքեր պրոֆեսիոնալ չեն: Ինչ վերաբերում է Մագային, նա պրիմիտիվ գիտելիքներ չունի, դա ակնհայտ է, մի բան էլ հպարտանում է դրանով»:
