Երեկ հանձնաժողովում իմ ներկայացրած օրինագիծը դրական եզրակացություն էր ստացել, հետո նորից դրեցին քվեարկության և դեմ քվեարկեցին. Գևորգ Պետրոսյան (տեսանյութ)
ՔաղաքականությունԱզգային ժողովը Պետաիրավական հարցերի մշտական հանձնաժողովում բացասական եզրակացություն ստացած «Քաղաքացիական դատավարության օրենսգրքում լրացում կատարելու մասին օրենքի» նախագիծը Աժ լիագումար նիստ ընդգրկելու մասին հարցը:
Հիմնական զեկույցով հանդես եկավ նախագծի համահեղինակ «Բարգավաճ Հայաստան» խմբակցության պատգամավոր Գևորգ Պետրոսյանը: Նա նշեց, որ քաղաքացիական դատավարության օրենսգիրքը ընդհանուր ժամկետներում է քննում նաև անձանց պատվի, արժանապատվության և գործարար համբավի պաշտպանության հետ կապված հայցերը և ստացվում է մարդուն վիրավորում են զրպարտում են, մարդը տարիներով դատարաններում խնդիր է ունենում, տարիներով ձգվում են դատավարությունները:
«Դատական դեպարտամենտից պաշտոնական հարցում եմ արել, եկել է պատասխան, որ միայն առաջին ատյանում 218 օր է տևում գործի քննությունը: Նախագծի իմաստն այն է, որ ժամկետները կրճատվեն, ու եթե մարդուն վիրավորել են, ծաղրել են, զրպարտել են, մարդն իրավունք ունենա կարճ ժամկետում իր խախտված արժանապատվությունը պաշտպանել»,- նշեց նա:
Պետրոսյանն այնուհետև ասաց, որ երեկ հանձնաժողովի նիստում տարօրինակ բան է կատարվել: «Սկզբում որոշումը ձայների 4 կողմ, 2 դեմ քվեարկությամբ անցավ, հետո վերաքվեարկություն կազմակերպվեց և որոշումը չանցավ: Կուզենայի պարզաբանում լսել»,- ասաց Պետրոսյանը:
Պետաիրավական հարցերի մշտական հանձնաժողովի տեսակետը ներկայացրեց պատգամավոր Արթուր Դավթյանը: «Պետաիրավական հանձնաժողովում սույն հարցը քննարկվել է և չնայած ես համաձայն եմ պարոն Պետրոսյանի հետ նախագծի անհրաժեշտության հետ կապված և քվեարկել եմ դրական, բայց ես ներակայցնում եմ հանձնաժողովի կարծիքը, հանձնաժողովը դեմ է քվեարկել»,- նշեց նա:
Ինչ վերաբերում է քվեարկության հետ կապված խնդրին, պատգամավորը նշեց, մեկ անգամ է քվեարկությունը եղել, մասնակցել են 10 պատգամավոր, որոնցից 4-ը կողմ են քվեարկել, 3-ը՝ դեմ, 3-ը՝ ձեռնպահ, դա նշանակում է, որ դրական եզրակացություն չի ստացել նախագիծը որովհետև կանոնակարգ օրենքի համաձայն պետք է նիստին մասնակցած պատգամավորների մեծամասնությունը կողմ քվեարկի: Նա նշեց, որ նիստին մանսակցել է 10 պատգամավոր և, որպեսզի նախագիծը դրական եզրակացություն ստանար, պետք է 6 պատգամավոր կողմ քվեարկեր, բայց կողմ է քվեարկել 4 պատգամավոր:
Հարցը դրվեց քվեարկության և չներառվեց լիագումար նիստերի օրակարգ կողմ 33, դեմ՝ 70, ձեռնպահ՝ 2 ձայների հարաբերակցությամբ:
