ՌԴ ՊՆ-ն հաղորդագրություն է տարածել
ՀասարակությունԼեռնային Ղարաբաղում ռուսական խաղաղապահ զորակազմի հումանիտար արձագանքման կենտրոնի մասնագետները Շուշիի շրջանի վարչակազմի դիմումի համաձայն ապահովել են անվտանգությունը էլեկտրահաղորդիչների վերականգնման աշխատանքների ժամանակ: Այս մասին հայտնում է ՌԴ ՊՆ մամուլի ծառայությունը:
«Ռուս խաղաղապահները միջոցառումներ են իրականացնում՝ ապահովելու անվտանգությունը Շուշիի շրջանում էլեկտրահաղորդիչ գծերի վերականգնման աշխատանքների ժամանակ: էլեկտրահաղորդիչների տվյալ հատվածն անցնում է կողմերի սահմանազատման գծի երկայնքով, այդ պատճառով վարչակազմից դիմում են ներկայացրել մեր հրամանատարությանը՝ խնդրելով ապահովել անվտանգությունն իրականացվող աշխատանքների ժամանակ: Ներկա պահին վերականգնվել է մոտ 20 կմ ձգվող էլեկտրահաղորդիչ գծեր, ինչպես նաև ճանապարհային լուսավորության 150 լապտերային սյուն է միացվել գիշերային ժամերին առավել անվտանգ երթևեկության համար»,- հայտնել է ռուսական խաղաղապահ զորակազմի ներկայացուցիչ Դանիլ Նիկիտինը:
Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։
