«Օմիկրոն» հիմնամանրէն մոտենում է Հայաստանի սահմաններին
ՀասարակությունԿորոնավիրուսի «Օմիկրոն» հիմնամանրէով վարակման առաջին երկու դեպքն է արձանագրվել Վրաստանում, ևս 26 մարդ, որոնք շփում են ունեցել վարակակակիրների հետ, ստուգվում են: «ՌԻԱ Նովոստի»-ի փոխանցմամբ՝ այս մասին հայտնել է հիվանդությունների վերահսկման ազգային կենտրոնի ղեկավար Ամիրան Գամկրելիձեն:
Նրա խոսքով՝ երկուսն էլ Վրաստանի քաղաքացի են, որոնք վերադարձել են ԱՄՆ-ից և Դուբայից: Նրանք մեկուսացման մեջ են գտնվում:
Վրաստանի առողջապահության նախարարության տվյալներով՝ վերջին մեկ օրում երկրում արձանագրվել է կորոնավիրուսով վարակման 1296 նոր դեպք, մահացել է 45 հիվանդ:
Ինչպես ավելի վաղ հայտնել էր «Մեհր» գործակալությունը, «Օմիկրոն»-ով վարակման առաջին դեպքն է գրանցվել նաև Իրանում: Վարակակիրը միջին տարիքի տղամարդ է, որը ճանապարհորդել էր ԱՄԷ-ում և այժմ կարանտինի մեջ է գտնվում:
«Օմիկրոն» հիմնամանրէն առաջին անգամ հայտնաբերվել է նոյեմբերի վերջին օրերին ՀԱՀ-ում և Բոտսվանայում: Այժմ այնտարավել է 85 երկրում: ԱՀԿ-ն կորոնավիրուսի նոր տեսակն անվանել է հունական այբուբենի 15-րդ տառով:
