Ադրբեջանի նախագահը վերջին պահին չստորագրեց, ասաց՝ ընտանիքի անդամներին անգամ չի կարողացել համոզել
ՔաղաքականությունԴուք տարբերությունը չե՞ք տեսնում։ Այն ժամանակ խոսքը գնում էր Ղարաբաղը Հայաստանին միացնելու մասին, Քի Վեսթի պայմանագրով ենթադրվում էր, որ Ղարաբաղը միանում է Հայաստանին մի միջանցքով, որը ևս ունենալու է նույն կարգավիճակը։ Միջանցքի լայնությունը անվտանգության տեսանկյունից ես այսպես էի ձեւակերպել՝ գրադի հեռահարության երկու կողմի վրա՝ 42 կմ միջանցք։ Հիմա համեմատեք այսօրվա վիճակի հետ, այսօրվա Ղարաբաղի անորոշության եւ անվտանգային առումով եւ կարգավիճակի հետ. տարբերությունը դրա մեջ է։ Այս մասին քիչ առաջ հրավիրած մամուլի ասուլիսի ժամանակ ասաց ՀՀ երկրորդ նախագահ Ռոբերտ Քոչարյանը՝ անդրադառնալով լրագրողների դիտարկումներին, թե «Մեղրիի տարբերակը ինչով էր» տարբերվում այն տարբերակից, որն հիմա է իրագործվում է, եւ որն էլ ադրբեջանցիներն անվանում են «Զանգեզուրի միջանցք»։
«Ղարաբաղյան հարցի կարգավորման համար Մեղրիի տարբերակում Թուրքիան այդ պատմության մեջ չկար։ Արդեն ոնց որ պարզ է, չէ՝ ինչով էր տարբերվում»,- ասաց Քոչարյանը։
«Իսկ թե ինչու դա այդպես էլ չստորագրվեց, ես կպատասխանեմ նաև այդ հարցին։Ադրբեջանի նախագահը վերջին պահին Քի Վեսթում հրաժարվեց ստորագրել։ Ես իմ գրքում դրա մասին մանրամասնորեն գրել եմ։ Ինքն ասաց, որ չի կարողացել համոզել նույնիսկ իր ընտանիքի անդամներին, ասաց՝ համարում է, որ ինքը գերագնահատել է իր հնարավորությունը՝ ազդելու հասարակական կարծիքի վրա»,- հավելեց Քոչարյանը։
