«Տա Աստված, որ Փաշինյանի ավտոմատը կիրառելու անհրաժեշտություն չունենա»․ Քոչարյան
Քաղաքականություն«Անվտանգության աշխատակիցները զինված են ու ունեն հստակ գործառույթ։ Նիկոլ Փաշինյանն ասաց, որ ինքը երբեք ժողովրդի առաջ ավտոմատով հանդես չի եկել։ Ինքն ասաց, թե ինչու է դա հնչեցնում, բոլորն էլ հասկացան, թե ինչի մասին է խոսքը: Ինքնաձիգի փողը ժողովրդի վրա ուղղված չի եղել՝ փողոցում ժողովուրդ էլ կա, մեքենա էլ կա, հանցագործ էլ կա: Ավտոմատն իր համար անհրաժեշտ վիճակում է գտնվում, տա Աստված, որ այն կիրառելու անհրաժեշտություն երբեք չլինի»․
Այս մասին այսօր՝ փետրվարի 10-ին, ԱԺ-ում ճեպազրույցների ժամանակ ասաց «Քաղաքացիական պայմանագիր» կուսակցության պատգամավոր Անդրանիկ Քոչարյանը՝ պատասխանելով լրագրողներին, որոնք ՔՊ-ական պատգամավորին հիշեցրեցին Նիկոլ Փաշինյանի խոսքերն այն մասին, որ ինքը երբեք փողոցներում ավտոմատով ման չի եկել։ Ավելի ուշ էլ համացանցում տեսանյութ հրապարակվեց, թե ինչպես է նրա անվտանգության աշխատակիցներից մեկն ինքնաձիգի փողը ցույց տալիս ավտոմեքենայից։
