Գեղեցիկ, սարսափելի, անհավանական. կենդանիներ, որոնց մասին դուք չեք էլ լսել
Վիդեո
Press24.am կայքը անդադար ուսումնասիրում է աշխարհի տարբեր անկյուններում ապրող և գոյություն ունեցող ամենահետաքրքիր և տարօրինակ երևույթները, մարդկանց և կենդանիներին:
Այսօր ձեր ուշադրությանը կներկայացնենք մի քանի կենդանի օրգանիզմների, որոնք ապրում են Երկիր մոլորակի վրա, սակայն շատերը տեղյակ չեն նրանց գոյության մասին:
1. Օկապի
Այս կաթնասունը Կենտրոնական Աֆրիկայի Կոնգոյի Դեմոկրատական Հանրապետության բնիկներից է համարվում: Չնայած նրան, որ նա իր վրա է կրում զեբրային հատուկ գծեր, այն իրականում ավելի շատ մոտ է ընձուղտներին:
2. Այ-այ
Մադագասկար կղզում ապրող կենդանի է, որը ունի գորշ գույն, երկար փափուկ պոչ, դուրս պրծած խոշոր աչքեր և մեծ գդալանման ականջներ: Գրանցված է Կարմիր գրքում։ Այս կենդանիները իրենց երկար ձեռքերի շնորհիվ հեշտությամբ որսում են որդեր, բոժոժներ, միջատներ և այլն:
3. Մարկոր
Մարկորները բնակվում են Պակսիտանում: Սրանք լեռնային այծերի ամենայուրահատուկ տեսակներից են: Մարկորի առանձնահատկություններից առավել հայտնին, անշուշտ, նրանց տարօրինակ և անսովոր եղջյուրի ձևն է, քանի որ այն պարուրաձև է:
4. Աստղաձև քթով խլուրդ
Աստղաձև քթով խլուրդը փոքր խլուրդ է, որը ապրում է Կանադայի արևելյան և հյուսիսարևելյան շրջաններում: Այս տեսակը խլուրդների դասի միակ անդամն է, որն ունի ավելի քան 25,000 զգայական ընկալիչներ ունեցող հպման օրգան, որը հայտնի է որպես Էյմերի օրգան, որոնց միջոցով նա զգում է իր շրջակա միջավայրը:
5. Փշոտ սատանա
Փշոտ սատանաները կամ փշոտ վիշապները բավականին վախենալի տեսք ունեն, սակայն նրանք իրականում անվնաս էակներ են, որոնք սնվում են միայն մրջյուններով: Փշոտ վիշապի ամբողջ մարմինը ծածկված է մանր «բծերով», որոնք պաշտպանում են նրան գիշատիչներից:
