Մենք տեսնում ենք միայն ծանոթ դեմքեր. 5 անհավանական փաստ երազների մասին
ՎիդեոԵրազը պատկերների, մտքերի, զգացմունքների և զգացումների հաջորդականությունն է, որը անկախ մեր կամքից տեղի է ունենում քնի որոշակի փուլերում:
Երազները կարող են լինել հետաքրքրաշարժ, հուզիչ, սարսափելի կամ պարզապես տարօրինակ: Չնայած չկա հստակ պատկերացում այն մասին, թե ինչու ենք մենք երազներ տեսնում, հետազոտողները պարզել են մի շարք հետաքրքիր փաստեր երազների մասին:
Press24.am կայքը ձեզ կներկայացնի մի քանի հետաքրքիր փաստ երազների մասին:
1. Կույր մարդիկ կարող են երազ տեսնել
Ուսումնասիրությունները ցույց են տվել, որ այն մարդիկ, ովքեր ծնվելուց հետո են կույր դարձել, երազում կարող են պատկերներ տեսնել: Իսկ մարդիկ, ովքեր ի ծնե կույր են եղել, չեն տեսնում որևէ վիզուալ պատկեր քնի ընթացքում: Կույր մարդիկ նաև մղձավանջներ են տեսնում սովորական մարդկանց նման: Հետազոտությունները ցույց են տվել, որ նրանք շատ ավելի հաճախ են մղձավանջներ տեսնում, քան տեսողություն ունեցող մարդիկ:
2. Մեր երազների մեջ մենք տեսնում ենք միայն այն դեմքերը, որոնց մենք արդեն գիտենք
Մեր միտքը դեմքեր չի հորինում: Մեր երազներում մենք տեսնում ենք իրական մարդկանց դեմքեր, որոնց մենք տեսել ենք մեր կյանքի ընթացքում, բայց հնարավոր է չհիշենք: Մենք բոլորս օրվա ընթացքում հարյուր հազարավոր դեմքեր ենք տեսնում, որոնք ֆիքսվում են մեր ուղեղում և որոնք մենք տենսում ենք մեր երազներում:
3. Տղամարդկաց ու կանանց երազները տարբեր են լինում
Տղամարդիկ հակված են ավելի շատ երազներ տեսնել այլ տղամարդկանց մասին: Տղամարդու երազի կերպարների շուրջ 70%-ը այլ տղամարդիկ են: Մյուս կողմից, կնոջ երազներում հավասարապես և՛ տղամարդիկ են լինում, և՛ կանայք: Դրանից բացի, տղամարդիկ, ընդհանուր առմամբ, իրենց երազներում ավելի ագրեսիվ հույզեր են ունենում, քան կանայք:
4. Կենդանիները նույնպես երազներ են տեսնում
Ուսումնասիրություններ են կատարվել շատ տարբեր կենդանիների վրա, և բոլորը ցույց են տվել, որ կենդանիների ուղեղը մարդկանց նման է աշխատում քնի ժամանակ: Օրինակ, եթե դիտարկենք շանը քնած ժամանակ` կտեսնենք, որ քնի ընթացքում նա շարժում է իր թաթերը և տարբեր բնույթի ձայներ է հանում, կարծես նա ինչ-որ մեկին հետապնդում է:
5. Մարդկանց մարմինը պարալիզացվում է երազներ տեսնելիս
Քնի ժամանակ ուղեղում եղած հատուկ մեխանիզմի շնորհիվ մարդկանց մարմինը պարալիզացվում է, որպեսզի երազներ տեսնելիս մարդը անգիտակցաբար շարժումներ չանի և այդպիսով վնասի ինքն իրեն:
