Ադրբեջանի ԱԳՆ-ն հանդես է եկել հայտարարությամբ
ՔաղաքականությունԱդրբեջանի ԱԳ նախարարությունը հանդես է եկել հայտարարությամբ, կապված նախօրեին Բրյուսելում տեղի ունեցած Փաշինյան-Ալիեւ-Միշել հանդիպման հետ։ Համաձայն այդ հայտարարության, Բաքուն համարել է հերթական կարեւոր քայլը տարածաշրջանի կայուն եւ խաղաղ ապագայի կերտման գործում։
Բաքվում նաեւ կարծում են, որ նախօրեի հանդիպումը հանդիսանում է շարունակությունն անցյալ տարվա դեկտեմբերի 15-ին տեղի ունեցած համատեղ հանդիպման, ցորը նվիրված էր ռեգիոնում տիրող իրավիճակի քննարկմանը, անվտանգության, կայունության եւ խաղաղության զարգացմանը։
Ադրբեջանական արտաքին քաղաքական գերատեսչությունը նաեւ հայտարարել է, որ հանդիպման ընթացքում ձեռք բերված պայմանավորվածություններն ամբողջապես համապատասխանում են Բաքվի շահերին։ Ուշագրավ է այն, որ ադրբեջանական կողմը շեշտում է, որ երկու երկրների արտաքին քաղաքական գերատեսչությունների ղեկավարները, ըստ պայմանավորվածության, սկսելու են աշխատել ապագա խաղաղ պայմանագրի պատրաստման վրա, հիմքում ունենալով այն բազային սկզբունքները, որոնք ներկայացվել էր Բաքվի կողմից որոշ ժամանակ առաջ։
