Մոսկվայի արձագանքը եկավ
ՔաղաքականությունԿրեմլը ողջունել է Հայաստանի ու Ադրբեջանի որոշումը՝ սկսել խաղաղության բանակցությունների գործընթացը։ Այդ մասին այսօր հայտարարել է ՌԴ նախագահի մամուլի խոսնակ Դմիտրի Պեսկովը։
Հիշեցնենք, որ ապրիլի 6-ին Բրյուսելում տեղի ունեցած եռակողմ՝ 4,5 ժամ տեւած բանակցությունների արդյունքում ձեռք է բերվել պայմանավորվածություն` 2021թ. նոյեմբերի 26-ին Սոչիում ձեռք բերված համաձայնության համաձայն` մինչև ապրիլի վերջ ստեղծել Հայաստանի և Ադրբեջանի միջև սահմանների դելիմիտացիայի հարցերով երկկողմ հանձնաժողով, որը օժտված կլինի նաև սահմանի երկայնքով անվտանգություն և կայունություն ապահովելու հարցերով:
Բացի այդ՝ Հայաստանի վարչապետը և Ադրբեջանի նախագահը Արտաքին գործերի նախարարներին հանձնարարել են մեկնարկել երկու երկրների միջև խաղաղության բանակցությունների նախապատրաստական աշխատանքները։
