Հայ-ադրբեջանական հերթական սրացման հիմնական հրահրողը Թուրքիան է․ քաղաքական գործիչ
ՔաղաքականությունՍահմանին հայ-ադրբեջանական հերթական սրացումների տիկնիկավարն ու հիմնական հրահրողը ոչ թե Բաքուն է, այլ Անկարան: Այս մասին հուլիսի 20-ին լրագրողների հետ հանդիպման ժամանակ ասաց Հայաստանի Դեմոկրատական կուսակցության նախագահ Արամ Սարգսյանը։ Քաղաքական գործչի խոսքով՝ Թուրքիան հեռահար ծրագրեր ունի տարածաշրջանի հետ կապված: «21-րդ դարում նրանք իրենց առջեւ կարեւորագույն պլան էին դրել, որը մտադիր են իրականացնել ամեն գնով: Նրանք ցանկանում են համախմբել թուրքախոս ժողովուրդներին աշխարհի բոլոր երկրներում, քանի որ այդ ժամանակ նրանք աշխարհաքաղաքական գործոն կդառնան:
Այժմ նրանք սկսել են այս քաղաքականության իրականացումը: Եւ ի՞նչ են նրանք հիմա անում։ Նրանք բոլոր հնարավոր ձեւերով, ամենալկտի ձեւով ցուցադրում են իրենց ուժը։ Նրանք փակել են իրենց դռները Եվրոպայի համար այն բանից հետո, երբ սուրբ Սոֆիայի թանգարանը մզկիթի վերածեցին: Սա բացահայտ եւ անթաքույց լկտիություն է: Նրանք փորձում են մուտք գործել Լիբիա, եւ նրանց ոչ ոք չի կարող «աչ» ասել: Սիրիայում նրանք գրավել են Աֆրինը, եւ ոչ ոք չի կարող նրանց ասել «գնացեք այստեղից»: Ո՞ւմ վրա են հիմա հույս դնում ՀՀ իշխանությունները»,- ասաց Սարգսյանը:
