Ինչ են գրում ռուսական եւ ադրբեջանական լրատվամիջոցները երեւանյան ցույցերի մասին
Հասարակություն
Երեւանում ընդդիմության կողմից իրականացվող բողոքի ակցիաները ռուսական մամուլում լուսաբանվում են հիմնականում ըստ իրադարձությունների զարգացման կատարվող հրապարակումների տեսքով՝ կամ սեփական թղթակիցների հաղորդած տեղեկությունների հիման վրա կազմված, կամ հայկական մեդիադաշտում եղած հրապարակումների վերատպությունների տեսքով։
Այդպիսին է իրավիճակը «ՌԻԱ Նովոստի», «ՏԱՍՍ», «Լենտա», «Գազետա» եւ այլ առաջատար ռուսական լրատվամիջոցներում։ Բավական ուշագրավ է այն, որ ադրբեջանական մամուլում հրապարակումները հայկական ցույցերի մասին շատ քիչ են ու կցկտուր, ինչը բավական տարօրինակ է, քանի որ սովորաբար Ադրբեջանում ուշի ուշով հետեւում են Հայաստանում տեղի ունեցող զարգացումներին։ Ու եթե ադրբեջանական առանձին լրատվամիջոցներ, հայկական ընդդիմության գործողությունները նախկինում նկարագրելիս կիրառում էին «հայ ռեւանշիստներ» արտահայտությունը, ապա հիմա կարելի է ասել կամ զբաղված են իրենց կրոնական տոնակատարությամբ կամ դեռ հրահանգ չեն ստացել «թեմային միանալու»։
Հիշեցնենք, որ Ադրբեջանում տոնում են Ուրազա Բայրամը։
