Օձերի հազվագյուտ տեսակներ, որոնց գոյությանը դժվար է հավատալ
ՎիդեոԲնությունը զարմանահրաշ ու անբացատրելի երևույթ է: Ցանկացած կենդանի օրգանիզմ իր գոյությամբ յուրահատուկ երանգ է հաղորդում բնությանը: Դրանց մեջ հատկապես առանձնահատուկ տեղ են զբաղեցնում օձերը:
Press24.am կայքը ձեր ուշադրությանը կներկայացնի օձերի 5 հազվագյուտ տեսակներ, որոնք որքան վախեցնող են, այնքան էլ գեղեցիկ են:
1. Թարթիչավոր օձ
Այս տեսակը կոչվում թարթիչավոր ի շնորհիվ նրանց աչքերի վերևում առկա թեփուկների: Այս տեսակը առանձնանում է թե՛ իր թունավորությամբ, թե՛ իր յուրահատուկ գեղեցկությամբ: Այս տեսակի մաշկի գույնը տատանվում է վառ դեղինի, վարդագույնի, կանաչի և շագանակագույնի միջև:
2. Կանաչ պիթոն
Այս տեսակին պատկանող օձերը չեն վախենում մարդկանցից: Դրանք թունավոր ու ագրեսիվ չեն: Կանաչ պիթոնները հիմնականում սնվում են թռչնի ձվերով կամ նորածին ձագերով։ Կանաչ գույնի շնորհիվ նրանք կատարելապես քողարկվում են ու միաձուլվում բնությանը և այդպիսով հեշտությամբ որս կատարում:
3. Սան Ֆրանցիսկոյի գարթեր օձ
Սան Ֆրանցիսկոյի գարթեր օձը ունի մուգ նարնջագույն, փիրուզագույն և սև գույն: Այն անվնաս է մարդկանց համար: Հիմնականում գտնվելով ջրի մոտ, այս օձը իր կարմիր լեզվի շնորհիվ, կարծես, գայթակղում է ձկներին և այդպիսով որսում նրանց:
4. Շրի Լանկայի շառաչող օձ
Եթե երբևէ այցելեք Շրի Լանկա, ապա անպայման ծառերի վրա փնտրեք Շրի Լանկայի գեղեցիկ շառաչող օձերին: Սրանք համարվում են էնդեմիկ սողուններ: Ունեն մոտ 3 ոտնաչափ երկարություն: Այն սովորաբար ունենում է կանաչ և սև գույն և մեծ եռանկյունաձև գլուխ: Այն թունավոր է, և խայթոցը կարող է հանգեցնել մահվան:
5. Բրազիլայի ծիածան օձ
Հիմնականում շագանակագույն և կարմրավուն գույն է ունենում: Այս տեսակի առանձնահատկությունը նրա մաշկի վառ փայլն է: Այս հատկությունը առավել ցայտուն է արտահայտվում մաշկափոխությունից հետո: Այս օձերը ունենում են մոտ չորսից վեց ոտնաչափ երկարություն:
