«Բարսելոնան» չի բանակցում Լորան Բլանի հետ
ՍպորտԻսպանիայի փոխչեմպիոն «Բարսելոնայի» մտադրություն չունի գլխավոր մարզիչի պաշտոնում նշանակել ֆրանսիացի Լորան Բլանին, հաղորդում է AS-ը։ Կատալոնական ակումբը չի բանակցել 54-ամյա մասնագետի հետ։
«Բարսելոնան» իսպանացի Էնրիկե Սետիենի ղեկավարությամբ հաջորդ շաբաթ կսկսի պատրաստվել իտալական «Նապոլիի» դեմ Չեմպիոնների լիգայի 1/8 եզրափակիչի պատասխան հանդիպմանը։
Աշխարհի ու Եվրոպայի չեմպիոն Լորան Բլանը «Բարսելոնայի» կազմում հանդես է եկել 1996-1997-ին։ Մարզչական կարիերայի ընթացքում Բլանը գլխավորել է ֆրանսիական «Բորդոն», Ֆրանսիայի հավաքականը եւ փարիզյան ՊՍԺ-ն, որից հեռացել է 2016-ին եւ դրանից հետո մարզչական գործունեությամբ չի զբաղվել։
