Մեսսի․ Եթե Բարսելոնան փոփոխություններ չանի, մենք չենք հաղթի Նապոլիին
Սպորտ«Բարսելոնայի» արգենտինացի հարձակվող Լիոնել Մեսսին խոսել է Չեմպիոնների լիգայի 1/8 եզրափակչի՝ «Նապոլիի» հետ պատասխան խաղից ունեցած սպասելիքների մասին․
«Որոշ ժամանակ առաջ ասացի, որ եթե շարունակենք խաղալ այնպես, ինչպես նախորդ մրցաշրջանում, մեզ համար դժվար կլինի հաղթել Չեմպիոնների լիգայում։ Մեր ջանքերը բավարար չեղան Իսպանիայի չեմպիոն դառնալու համար։ Եթե մենք չարձագանքենք ու փոփոխություններ չմտցնենք, չենք կարողանա հաղթել «Նապոլիին»,- Մեսսիի խոսքերն է փոխանցում Goal.com-ը։
Չեմպիոնների լիգայի 1/8 եզրափակչի՝ «Բարսելոնա»-«Նապոլի» պատասխան խաղը կկայանա այսօր՝ օգոստոսի 8-ին, Բարսելոնայի «Կամպ Նոու» մարզադաշտում։ Հանդիպման մեկնարկը 23։00-ին է։ Առաջին խաղը, որը կայացել է այս տարվա փետրվարին Իտալիայում, ավարտվել է ոչ-ոքի՝ 1-1 հաշվով։
