«Ես երբեք չեմ վարժվի այն փաստին, որ այլևս չեմ կարող գրկել քեզ». Էթերի Ոսկանյանի շնորհավորանքը լուսահոգի հայրիկին
ԱպրելակերպՑանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա
Դերասանուհի Էթերի Ոսկանյանը, որն այս շրջանում նկարահանվում է «Երեք նամակ Բելլայից» հեռուստասերիալում, ինստագրամյան իր էջում հրապարակել է ընտանեկան արխիվային լուսանկարներ՝ շնորհավորելով լուսահոգի հայրիկի ծնունդը:
«Ես երբեք չեմ վարժվի այն փաստին, որ այլևս չեմ կարող գրկել քեզ, կամ նույնիսկ պարզապես զանգահարել քեզ: Ես հստակ հիշում եմ քո յուրաքանչյուր հայացքը, քո ձայնը և յուրաքանչյուր ինտոնացիան: Հույս ունեմ՝ ես քեզ հաճախ չեմ տխրեցնում, չնայած, երբեմն հավանաբար պատահում է, բայց ես չեմ ուզում, որ դու շատ անհանգստանաս մեզ համար: Հավատում եմ, որ մի օր բոլորս հանդիպելու ենք մեր սիրելի մարդկանց, իսկ հետո ես քեզ ամուր կգրկեմ ու կասեմ՝ որքան ենք կարոտում քեզ։ Կպատմեմ բոլոր այն իրադարձությունների մասին և անպայման կասեմ, թե ինչքան եմ քեզ սիրում, ինչպես եմ կարոտում ու ինչքան եմ կարոտում մեր խոսակցությունները, թե ինչպես ակամա ձեռքս մեկնում է դեպի հեռախոսը քքեզ զանգահարելու համար, պատմել, թե ինչպես է անցել օրս, և ամեն անգամ, երբ նստում եմ մեքենան, սպասում եմ՝ զանգես և ասես «Աղջիկս, նորից խցանման մեջ եմ, ասա ո՞նց ես»: Ես նաև կասեմ քեզ, որ ամեն օր գլխումս թերթում եմ մեր վերջին խոսակցությունը, և ես խոստացա, որ ժամանակ կունենամ քեզ մոտ գալու , բայց ժամանակ չունեցա գալ և գրկել քեզ: Սիրում եմ քեզ»:
