Գումարտակի հրամանատարն էր․ ինչ էր գրում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Տեղ գյուղում զոհված Մկրտիչ Հարությունյանի ֆեյսբուքյան ողջ էջը իր մարտական ընկերների մասին է։ Ոմանք զոհվել են, ոմանք իր հետ շարունակում են ծառայել հայրենիքին։ Մի տեղ հանդիպում եմ զոհված ընկերների մասին արված քառատողը․ 
Mkrtich Harutyunyan 
Գնացին տղերքը ու կորան հեռվում,
Ռումբերի պայթյունը սարերն է շարժում,
Կարմիր կակաչները ներկել են դաշտերը`
Ասես լեռներից մեր արյունն է հոսում…

Ինքն էլ միացավ այդ տղաներին, որոնց արյունը լեռներից էր հոսում։ 

Մարտական ընկերները դիմում են նրան՝ Մգրո ջան։ Պարզ, անմիջական տղա էր։ Թալինից էր։ Երկու աղջիկ ուներ։ Նոր էր ստացել գումարտակի հրամանատարի պաշտոնը։ Հատուկ ջոկատային էր։  Մարտական ընկերը նրա մասին գրում է․ 
Hakob Karapetyan
Շնորհակալ եմ ցավակցությունների համար, սիրելի ընկերներ: Մկրտիչ Հարությունյանի՝ Մգրոյի հետ պատիվ ու երջանկություն եմ ունեցել ընկերություն անել վերջին մի քանի տարիներին: Նա այն զինվորականներից էր, որոնք ոչ միայն իրենց պրոֆեսիոնալ զբաղմունքի բերումով հանրության համար տեսանելի չեն, այլեւ անսահման համեստ մարդ էր՝ իր գործին ու իր երկրին անվերապահորեն նվիրված: Նա լավագուններից էր իր գործի մեջ ու դրա հետ մեկտեղ ծայրահեղ պարկեշտ, շիտակ ու ինտելեկտուալ: Իսկապես, ահռելի մեծ կորուստ է, ոչ միայն հարազատների ու ընկերների, այլեւ բոլորիս համար: Հուսով եմ, հնարավորություն կլինի նրա պատմությունը ավելի շատ մարդկանց պատմելու: Փա՛ռք Մգրոյին, Փա՛ռք մեր բոլոր նահատակ հերոսներին:

Հիշեցնենք, որ ապրիլի 11-ին ՝ ժամը 16:00-ի սահմաններում, Ադրբեջանի ԶՈՒ ստորաբաժանումները կրակ են բացել Տեղ համայնքի հատվածում ինժեներական աշխատանքներ իրականացնող ՀՀ ԶՈՒ զինծառայողների ուղղությամբ: Ըստ պաշտոնական տեղեկությունների՝ փոխհրաձգության հետևանքով հայկական կողմն ունի 4 զոհ, 6 վիրավոր։