Ավետիք Չալաբյանը միանում է Արցախում տեղի ունեցող ստորագրահավաքին
Հասարակություն
Քաղաքական-հասարակական գործիչ, «Համախմբում» շարժման խորհրդի անդամ Ավետիք Չալաբյանը ֆեյսբուքյան իր էջում գրում է.
Սիրելի բարեկամներ,
Ինչպես շատերդ տեղյակ եք, այս օրերին Արցախում ստորագրահավաք է ընթանում՝ ուղղված Արցախի շրջափակման և էթնիկ զտումների քաղաքականության դեմ: Թեև միայն ստորագրահավաքներով այդպիսի հարցերը բնավ չեն լուծվում, սակայն սա նվազագույնն է, որ մեզնից յուրաքանչյուրս կարող ենք անել:
Խնդրում եմ մի քանի րոպե ժամանակ հատկացնեք, և ձեր բողոքի ձայնը միացնեք ընդդեմ Արցախի շրջափակման: Սա նաև ուղերձ է Հայաստանի գործող իշխանությանը, որ մենք նրանից իրական սպասելիք ունենք՝ պաշտպանելու մեր հայրենակիցների կյանքը և հիմնարար իրավունքները: Կանխավ շնորհակալ եմ բոլոր արձագանքողներին:
