«Բարսելոնան» համաձայնության է եկել Ռոնալդ Կումանի հետ
ՍպորտԿատալոնական «Բարսելոնայի» նախկին ֆուտբոլիստ, Նիդերլանդների ազգային հավաքականի գլխավոր մարզիչ Ռոնալդ Կումանը կստանձնի «Բարսելոնայի» գլխավոր մարզիչի պաշտոնը, տեղեկացնում է ESPN-ը:
57-ամյա մասնագետը գտնվում է Բարսելոնայում, որտեղ հանդիպում է ունեցել կատալոնական թիմի ղեկավարության հետ: Կողմերը համաձայնություն են ձեռք բերել:
Ավելի վաղ «Բարսելոնայի» նախագահ Խոսեպ Մարիա Բարտոեմուն հայտարարել էր ակումբի գլխավոր մարզիչ Էնրիկե Սետիեն պաշտոնանկության մասին:
«Բարսելոնան» բանակցություններ էր վարում նաև «Տոտենհեմի» նախկին գլխավոր մարզիչ Մաուրիսիո Պոչետինոյի և «Ալ Սադի» գլխավոր մարզիչ Չավի Էրնանդեսի հետ:
Կումանը Հոլանդիայի ազգային հավաքականի գլխավոր մարզիչի պաշտոնը զբաղեցնում է 2018 թվականի փետրվարից: 1989-1995 թվականներից նա եղել է «Բարսելոնայի» խաղացող, իսկ 1998-2000-ին ընդգրկված է եղել կատալոնական թիմի մարզչական շտաբում։
