ՕՊԵԿ-ն Ադրբեջանին պաշտոնապես չի հրավիրել անդամակցելու կազմակերպությանը
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Նավթ արտահանող երկրների կազմակերպությունը (ՕՊԵԿ) Ադրբեջանին պաշտոնապես չի հրավիրել դառնալ կազմակերպության անդամ, սակայն աշխատում է դրա ընդլայնման վրա։ Այս մասին ՕՊԵԿ-ի սեմինարի շրջանակներում լրագրողներին ասել է ՕՊԵԿ-ի գլխավոր քարտուղար Հայթամ ալ-Գայսը, հաղորդում է ՏԱՍՍ–ը։
«Մենք նրանց չենք հրավիրել պաշտոնապես դառնալ ՕՊԵԿ-ի անդամ: Բայց, իհարկե, նրանք մեզ հետ են արդեն յոթ տարի՝ սկսած 2016 թվականից (ՕՊԵԿ + գործարքի կնքումից ի վեր,- նշում է ՏԱՍՍ-ը): Կարծես թե նրանք արդեն իսկ ՕՊԵԿ-ի անդամ են»,- ասել է նա։
Ալ-Գայսը հավելել է, որ ՕՊԵԿ-ը համագործակցում է Ադրբեջանի և, մասնավորապես, հանրապետության էներգետիկայի նախարար Փարվիզ Շահբազովի հետ, ով Վիեննա էր եկել սեմինարին մասնակցելու համար։
«Վերջերս ես Ադրբեջանում էի, հանդիպեցի նախագահ (Ադրբեջան-ՏԱՍՍ) Իլհամ Ալիևի հետ: Մենք հիանալի երկխոսություն ունեցանք ոչ միայն ՕՊԵԿ+-ի, այլ նաև հետագա համագործակցության շուրջ»,- ասել է նա։
Միաժամանակ ՕՊԵԿ-ի գլխավոր քարտուղարը խոստովանել է, որ աշխատում է կազմակերպության ընդլայնման վրա։ Նա ասել է, որ այցերով գտնվում է Մալայզիայում, Բրունեյում, Մեքսիկայում, սակայն պարզաբանել է, որ մինչ այժմ այդ երկրներին ՕՊԵԿ հրավիրելու մասին խոսք չկա։
