Ռուսական EADaily-ի անդրադարձը հայկական 1or.am լրատվական կայքի հոդվածին

Ռուսական EADaily կայքը «СМИ: Министр здравоохранения Армении – «антиагитатор российской вакцины» հոդվածով անդրադարձել է հայկական 1or.am լրատվական կայքում հրապարակված հոդվածին: Նշված է հայ լրագրող Սարգիս Կարապետյանի զարմանքն այն վերաբերյալ, որ չնայած առողջապահության նախարար Արսեն Թորոսյանի կողմից առողջապահության բոլոր խնդիրների ձախողմանը՝ նա դեռևս պաշտոնանկ չի արվել:

Նշված է հեղինակի ենթադրությունը, համաձայն որի՝ Թորոսյանի անփոխարինելիության գաղտնիքը նրա «սորոսյան ծագման» մեջ է: Սարգիս Կարապետյանը, սակայն, առավել ճշմարտանման է համարում առողջապահության գործող նախարարի կապերը ՀԱԿ-ի և պատվաստանյութերի քարոզչության, արտադրության և վաճառքով զբաղվող կասկածելի կառույցների հետ:

Վերոնշյալ ռուսական հոդվածի հեղինակը նաև հիշեցնում է, որ Չինաստանի առողջապահության գործերով համաճարակի դեմ պայքարի գծով պետական հատուկ կոմիտեի ղեկավար Չժուն Նանշանը հայտարարել է, որ COVID-19-ի դեմ ռուսական պատվաստանյութն անվտանգ է:

Օգոստոսի 20-ին Չինաստանում ՌԴ-ի դեսպանատան կայքում  հրապարակված հայտարարության մեջ գրվել է. «Չժուն Նանշանը բարձր գնահատական է տվել Ն. Ֆ. Գամալեյի անվան համաճարակաբանության և մանրէաբանության ազգային հետազոտական կենտրոնի կողմից մշակված COVID-19-ի դեմ պատվաստանյութին և շնորհավորել է Ռուսաստանին դեղամիջոցի պետական գրանցման գործընթացն ավարտելու կապակցությամբ»:

Ն. Ֆ. Գամալեյի անվան ԱՀԿ-ի փոխտնօրեն Դենիս Լոգունովը հայտարարել է, որ «Спутник V» պատվաստանյութի կլինիկական փորձարկումներն անցկացնելուց հետո կամավորներից ոչ մեկի մոտ լուրջ կողմնակի ազդեցություն չի նկատվել:

Լիլիթ Ամիրաղյան