Միմյանց անձամբ անծանոթ տարբեր երկրներից փեսացուն եւ հարսնացուն ամուսնացել են տեսահեռարձակմամբ
ՀասարակությունԲրազիլուհին եւ գերմանացին 20 օր վիրտուալ շփումից հետո ամուսնություն են կնքել տեսահեռարձակմամբ, քանի որ չէին կարող անձամբ հանդիպել կորոնավիրուսի համավարակի պատճառով, հայտնում է Globo-ն։
Ինչպես պատմել է 39-ամյա բրազիլուհի Սինտիա Արաուժոն Ռիրեյրաու Պրետու քաղաքից, ապագա փեսացուի՝ 45-ամյա գերմանացի Տիմո Արնշթադի հետ իրեն ծանոթացրել է իրենց ընդհանուր ընկերը՝ տեղի պաստորը։ Սինտիան եւ Տիմոն, որն աշխատում է Քենիայում, սկսել են շփվել համացանցում եւ շատ ընդհանուր բան են հայտնաբերել։ «Առաջին օրը, իրար չճանաչելով, մենք 2 ժամ զրուցեցինք»,- հիշում է կինը։.
Տղամարդը եւ կինը շարունակել են շփվել եւ խցիկն անգամ 24 ժամ միացված են թողել, որ մշտապես միասին լինեն, ինչպես եթե միեւնույն տանն ապրեին։ Նրանց վիրտուալ ծանոթությունից մեկ ամիս էլ չէր անցել, երբ Տիմոն Սինտիային տեսանյութով առաջարկություն է արել, կինը համաձայնվել է։ Սիրահարներն ամուսնացել են հեռավորությամբ, քանի որ նրանցից ոչ մեկը չէր կարող մյուսի մոտ մեկնել կորոնավիրուսի համավարակի պատճառով։ Տեսազանգով կատարված հարսանյաց արարողությունը դիտել են փեսացուի եւ հարսնացուի ազգականները։
Տիմոն համաձայնվել է, որ ոչ ամեն մեկը կամուսնանար նրա հետ, ում անգամ անձամբ չի տեսել։ Տղամարդու ընկերներն ասում էին, որ նա խելագարվել է։ Սակայն Տիմոն կարծում է, որ իրեն բավականացնում է այն, ինչ գիտի Սինտիայի մասին։ Նրա խոսքով՝ ինքը նրան սիրահարվել է իր վերաբերմունքի, բնավորության եւ գեղեցկության համար։
Վիրտուալ հարսանիքից 4 օր հետո նորապսակները հանդիպել են բրազիլական Սան Պաուլուի օդանավակայանում եւ այնտեղ միանգամից ամուսանական մատանիներ են փոխանակել։
Շարունակությունը ` Այստեղ
