Մոսկվայում այսօր հրաժեշտ են տվել դերասանուհի Իրինա Միրոշնիչենկոյին (լուսանկարներ)
ՖոտոՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վերակենդանացման բաժանմունքում մահացել է 81-ամյա ՌԽՖՍՀ ժողովրդական արտիստուհի Իրինա Միրոշնիչենկոն՝ գիտակցության չգալով։ Մահվան պատճառը բազմաօրգանային անբավարարությունն է եղել։ Ողբերգության նախօրեին դերասանուհու սիրտը կանգ էր առել Մոսկվայի հիվանդանոցներից մեկում։ Իրինա Պետրովնային կենդանի պահելու համար նրան միացրել էին թոքերի արհեստական օդափոխությանը, սակայն դա, ցավոք, չի օգնել։
Արտիստի հոսպիտալացման մասին հայտնի է դարձել հուլիսի 30-ին։ Միրոշնիչենկոն բժշկական օգնություն է խնդրել գրիպի ծանր հետեւանքների պատճառով։ Նշվում է, որ նա զբաղվել է ինքնաբուժմամբ, ինչը դրական արդյունք չի տվել։ Հետազոտության ժամանակ նրա մոտ ախտորոշվել է գլխի նորագոյացություն և էնդոկարդիտ։
Դերասանուհու մահը անակնկալ էր նրա ընկերների և գործընկերների համար։ Ոչ բոլորն էին հավատում, որ Իրինա Պետրովնան կարող է մահանալ գրիպից, քանի որ նա երբեք չի բողոքել առողջական խնդիրներից։ Լարիսա Լուժինան ասել է, որ բժիշկները սխալվել են Միրոշնիչենկոյի ախտորոշմամբ, ուստի ժամանակ չեն ունեցել արագ դադարեցնել բորբոքումն ու մեղմել ախտանշանները։ Նրա խոսքով՝ դերասանուհին լավ մարզավիճակում է եղել, քանի որ շարունակել է բեմ դուրս գալ և անգամ չի հրաժարվել հյուրախաղերից։
Մոսկվայում այսօր հրաժեշտ են տվել Միրոշնիչենկոյին։ Արարողությունը տեղի է ունեցել Չեխովի անվան Մոսկվայի գեղարվեստական թատրոնի բեմում, որտեղ նա աշխատել է 60 տարի։
Միրոշնիչենկոյին կհուղարկավորեն Տրոեկուրովսկու գերեզմանատանը։
