Արտակարգ դեպք Երևանում. ծխատարում առաջացած կրակը խուճապի էր մատնել քաղաքացիներին
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այսօր՝ օգոստոսի 12-ին, արտակարգ դեպք է տեղի ունեցել Երևանում: Ժամը 18:00-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Ագաթանգեղոսի փողոցի թիվ 7-րդ շենքի տանիքից ծուխ է նկատվում:
Ինչպես հայտնում է Shamshyan.com-ը, դեպքի վայր են ժամանել Երևանի թիվ 8-րդ և 3-րդ հրշեջ-փրկարարական ջոկատներից 1 մարտական հաշվարկ և հատուկ փրկարարական աշխատանքների կատարման հերթապահ խումբը:
Պարզվել է, որ հրդեհը բռնկվել է Ագաթանգեղոս փողոցի թիվ 7-րդ շենքին կից «Երևան պանդոկ»-ի ծխատարում:
Օպերատիվորեն ժամանել են նաև ՀՀ ՆԳՆ Ոստիկանության Պարեկային ծառայության Երևան քաղաքի գնդի 2-րդ գումարտակի 2-րդ վաշտի հրամանատարի տեղակալ Դավիթ Նիկողոսյանը, նույն վաշտի ավագ պարեկ Խաչիկ Հարությունյանն ու կրտսեր պարեկ Սաշա Տիգրանյանը:
Պարեկները սահմանազատել են տարածքը, որպեսզի հետաքրքրասեր քաղաքացիների կողմից կուտակումներ տեղի չունենան:
Ժամանել են նաև «Գազպրոմ Արմենիա» Երևանի ԳԳՄ-ի, «Հայաստանի էլեկտրական ցանցեր» ընկերության ներկայացուցիչները ու Երևանի 1-03 շտապօգնության բժիշկների հերթապահ խումբը:
Հրդեհը հրշեջների կողմից մեկուսացվել և մարվել է: Այրվել են սննդային յուղեր և ծխահեռացման համակարգը:
Ըստ նախնական տեղեկությունների, բարեբախտաբար, տուժածներ չկան:
