Նազենի Հովհաննիսյանը, Զոհրաբ Բեկ Գասպարենցը, Արմուշը, Լիլուն, Սարգիս և Մանո Գրիգորյանները, Մերի Երեմյանը և Մոսոն՝ նոր ֆիլմում (լուսանկարներ)

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Օրեր շարունակ ԱՄՆ-ում իրականացվել են նոր կատակերգական ժանրի ֆիլմի նկարահանումները և Tert.am Life-ի հետ զրույցում ֆիլմի գլխավոր պրոդյուսեր Դավիդ Ադամյանը պատմել է ստեղծման պատմության, սյուժեի և դերասանական անձնակազմի մասին:

Ֆիլմի գաղափարը ստեղծվել է պատահական և սրճարաններից մեկում և մեկ գավաթ սուրճի ներքո: Նշում է Դավիթ Ադամյանը:
«Դե այդպես է առհասարակ, քանի որ բոլոր մեծ և գեղեցիկ գործերը ծնվում են պատահականություններից և թող, որ ասածս անհամեստ չթվա: Նստած էինք Զոհրաբ Բեկ  Գասպարենցի հետ և ծնվեց գաղափարը, որ ստեղծենք դասական կատակերգություն: Մտածելով ժանրի շուրջ հասկացան՝ կատակերգության կարիքն ունենք յուրաքանչյուրս ներկայիս աշխարհի մռայլ գույներում պետք է մի փոքր ժպիտ և ծիծաղ: Նկարահանումներն իրականացվել են ԱՄՆ - ում ՝Կալիֆորնիայում,  նախապատրաստական աշխատանքները տարվել են մոտ 3 ամիս, ու քանի որ լավ պատրաստված էինք արդեն  բուն նկարահանումներն անցան շատ դինամիկ. մի ամսում  ամբողջապես, մաքուր ձայնով ու որակյալ նկարահանումներով ամեն բան ավարտված էր»,- ասաց Դավիթ Ադամյանը:

Գեղարվեստական ֆիլմքի հիմքում սուտն է, որը փոխում է իրավիճակը, հոգեվիճակը և մարդկային ճակտագիրը:
«Ֆիլմի գաղափարը և սցենարը Զոհրաբ Բեկ Գասպարենցի մտքի և գրչի գործն է ՝ հիմնված ֆրանսիական դասական կատակերգության վրա։ Նա նաև գլխավոր հերոսի դերակատարն է և մարմնավորում է բիզմեսմենի,  որը կարողանում է բոլոր տհաճ ու վատ իրավիճակները հօգուտ իրեն ծառայեցնել՝ անընդհատ հայտնվելով անհավանական կոմիկական վիճակում»,- ասաց պրոդյուսերը:
Գլխավոր հերոսուհուն մարմնավորում է Նազենի Հովհաննիսյանը, որը հենց նկարահանումների համար մեկնել էր ԱՄՆ:
«Մայիսից սկսած քննարկել ենք Նազենի Հովհաննիսյանի հետ համատեղ աշխատանքն ու թղթաբանական ընթացքն արագ կազմակերպեցինք և շատ մեծ հաճույքով նրան հյուրընկալեցինք՝ մեր մեծ ֆիլմային ընտանիք: Բնականաբար կա դեռահաս դուստր, որն իր առանձին գծով բացահայտում է իր տարիքին բնորոշ բոլոր խնդիրները՝ կրկին շատ ծիծաղելի վիճակներում հայտնվելով»,- հավելեց Դավիթ Ադամյանը:

Պատմելով այլ հերոսների մասին պրոդյուսերը նշեց՝ բոլորը ֆիլմին տալիս են գույներ, մասնավորապես՝ գործարարի օգնականը, տան սպասավորները և այլք, որոնց պատմությունները ևս բացահայտվում են: Պրոդյուսերի խոսքով՝ ֆիլմի կարևոր առանցքն է գրական հայերենն առանց ավելորդաբանությունների:
«Ֆիլմում հատուկ նպատակ էինք ունեցել նույնիսկ կատակերգական ժանրում մաքուր ու գրագետ պահել մայրենի լեզվի գեղեցիկ հնչողությունը և ճիշտ հայերենը մատուցել հանդիսատեսին՝ չտրվելով վերջերս անըդնհատ հնչող կենցաղային տարածված բառամթերքին: Ֆիլմի բեմադրող օպերատորն է Գևորգ Ճուղուրյանը, որի դերն անասելի կարևոր է նկարահանման ճիշտ ընթացքի համար, և որն աշխատում է ամերիկյան կինոարտադրողների ու կլիպմեյքըրների հետ,  ռեժիսորը՝ երիտասարդ և խոստումնալից՝ Անջել Մարտիրոսյանը: Մենք ոչինչ չենք խնայել նկարահանման հրապարակում հարմարավետ ու սիրո միջավայր ձևավորելու համար, որովհետև կադրում երևում է ցանկացած խնդիր, անհամաձայնություն կամ կիսատություն»,- նշեց Դավիթ Ադամյանը:

Խոսելով դերասանական անձնակազմի մասին պրոդյուսերը նշեց, որ դերասանական անձնակազմը շատ բազմաոճ է և գունեղ:
«Մեր նախագիծն առանձնահատուկ է դերասանական աստղաբույլով, մարդկանցով, որոնք առանց ավելորդ ամբիցիաների կամ կոնֆլիկտների, իսկապես մեծ սիրով ու կազմակերպվածությամբ իրենց տաղանդն ու ժամանակն էին սիրով ներդնում՝ ընդհանուր գործի հաջողության համար: Նկարահանվել են տաղանդաշատ դերասաններ Նազենի Հովհաննիսյանը, Զոհրաբ Բեկ Գասպարենցը, Լիլուն, Սարգիս Գրիգորյանը, Դելոն, Լաուրա Թորոսյանը, Մերի Երեմյանը, Մոսոն, Մանո Գրիգորյանը և այլք: Ամեն ինչ անում ենք որպեսզի ֆիլմը պատրաստ լինի այս տարվա հոկտեմբեր ամսին ու սիրով ներկայացնենք Հայաստանի ու ԱՄՆ-ի հայ հանդիաստեսի ուշադրությանը»,- նշեց նա:

Նշենք, որ ֆիլմի անունն է «COCO», որում պատմվելու է ստի, կեղծիքի և դիմացինին չհասկանալու մասին, բայց այստեղ ևս հաղթում է ճշմարտությունը:

Ֆիլմը ստեղծել են «Novus entertainment» և «DIMM Media Entertainment» ընկերությունները: