«Այս եթերաշրջանում բացվելու են խաղաթղթերը». «Իրար դեմ» հեռուստասերիալի շարունակության առաջին մանրամասները և BACKSTAGE լուսանկարները
ՖոտոՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
հեռուստասերիալը վերադառնում է եթեր և այսօր՝ 20:30, Շանթ հեռուստաընկերության եթերում կլինի հեռուստասերիալի շարունակությունը: Արդեն օրեր շարունակ անձնակազմը վերադարձել է արձակուրդից՝ վերսկսելով նկարահանումները, որոնցից մեկին ներկա է եղել Tert.am Life-ը և ներկայացնում է առաջին մանրամասներն ու BACKSTAGE լուսանկարները:
Մեզ հետ զրույցում նախագծի ռեժիսոր Ռաֆայել Հովհաննիսյանը նշեց, որ կարճատև դադարից հետո հեռուստադիտողը տեսնելու է պատմության զարգացումը:
«Մինչ այս մենք ներկայացրել ենք հերոսների պատմությունները, ծանոթացրել հեռուստադիտողին հերոսների կյանքի և խառնվածքի հետ, ցույց տվել սիրային պատմություններ, որոնք հասցրել են գրավել հարյուրավոր հեռուստադիտողներին: Այժմ հեռուստադիտողը տեսնելու է՝ ինչպես է ամեն սերիայի ընթացքում բացվում նոր «խաղաթուղթ», ինչպես են նախապատմությունները ստանում նոր զարգացումներ և հասնում իրենց կուլմինացիային»,- ասաց Ռաֆայել Հովհաննիսյանը:
«Իրար դեմ» հեռուստասերիալի գլխավոր հերոսների՝ Սոսի և Կամիլայի սիրո պատմությունը հասցրել է գրավել շատերի սրտերը: Դերասանները նշում են, որ նախագծի սկզբում ունեցել են մտավախություններ, որ զույգը չի ընկալվի:
«Երբ ավարտվեց «Հատուկ դասարան» հեռուստասերիալը մենք հասկանում էին՝ ինչքան է սիրվել իմ և Բորիսի մարմնավորած զույգը, ինչքան է սիրվել Հրանտի և Դալիթայի մարմնավորած զույգն ու օրեր առաջ նաև հրապարակել է լուսանկար, երբ ինձ և Հրանտին լուսանկարել էին առաջին անգամ և փորձում էին հասկանալ՝ արդյոք կսիրվենք, կընկալվենք, բայց այսօր մեզ սիրավեպ են վերագրում նաև իրական կյանքում՝ ինչը փաստում է, որ զույգը սիրվել է: Ես վերապրում եմ ցանկացած տեսարան, որում պետք են էմոցիաներ, ես իսկապես արտասվում եմ էմոցիոնալ տեսարանների ժամանակ՝ վերապրելով այդ պահն ու պատմությունը»,- ասաց Մերի Քոչարյանը:
Դերասանուհին նաև նշեց, որ անձնակազմն ըմբռնումով է մոտենում ցանկություններին և սկզբունքներին:
«Սցենարային մենք ունեցել ենք համբույրի տեսարան, որը կարողացել ենք գեղեցիկ մատուցել և բեմադրել, քանի որ ի սկզբանե եղել է հստակ պայմանավորվածություն և խնդրանք այդ մասով: Կարծում եմ, որ առանց նման տեսարանների ևս մեր պատմությունն ունի խորություն,իսկ դրա մասին փաստում են բազմաթիվ տեսանյութեր, որոնք տարածվում են համացանցում»,- հավելեց դերասանուհին:
Գլխավոր հերոսին մարմնավորող Հրանտ Հովսեփյանը նս նշում է, որ այժմ բացահայտվելու են շատ պատմություններ, երևալու է՝ ինչ է իսկական սերը գլխավոր հերոսների ընկալմամբ:
«Սոսը պատրաստ է համակերպվել ստի և դավաճանության հետ, քանի որ իսկապես սիրում է և հետաքրքիր է, որ Սոսը «ցինիկ» կերպար է և բավականին տպավորիչ է, որ նման կերպարի համար սերը նման կարևորություն ունի: Հեռուստադիտողը կտեսնի՝ ինչերի է պատրաստ գլխավոր հերոսը սիրելիի համար: Երբեմն մտածում եմ, որ իրական կյանքում չէի կարող նման կերպ վարվել, չէի կարող նման չափերի սուտը ներել, բայց իրական կյանքում ես այդպիսին չեմ, իսկ իր հերթին Սոսը ևս «մի բարի պտուղ չէ»»,- պատմեց Հրանտ Հովսեփյանը:
Այլ կերպ է նաև զարգանալու Բորիս Մելքոնյանի մարմնավորած կերպարի պատմությունը:
«Իսկապես տպավորիչ էր, որ մեր կերպարները հասցրեցին սիրվել, մարդիկ վերապրում են մեր պատմությունները, տխրում և ուրախանում մեզ հետ: Այս փուլում հեռուստադիտողը նաև տեսնելու է իմ հերոսի ընտանեկան պատմությունը, որը շատ հուշագրավ է»,- ասաց Բորիս Մելքոնյանը:
