Չինաստանում այս տարի ռեկորդային թվով մարդիկ կանցնեն թոշակի․ ԶԼՄ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Չինաստանում այս տարի թոշակառուների թիվը կավելանա ավելի քան 28 միլիոն մարդով, ինչը ռեկորդային կլինի երկրի պատմության մեջ, գրում է South China Morning Post-ը՝ վկայակոչելով Չինաստանի ժողովրդական համալսարանի ռեկտորի տեղակալ, գերոնտոլոգիայի ինստիտուտի տնօրեն Դու Պենին։

Նշվում է նաև, որ առաջիկա տարիներին թոշակառուների թիվը տարեկան կավելանա ավելի քան 20 միլիոն մարդով՝ կապված 1960-ականներին ծնելիության բումի հետ։

Չինաստանում կենսաթոշակային տարիքը ամենացածրերից մեկն է աշխարհում և չի փոխվել ավելի քան 40 տարի: Տղամարդկանց համար դա 60 տարեկանն է, իսկ կանանց համար՝ 55 տարեկանը (50 տարեկանը՝ ֆիզիկական աշխատանքով զբաղվող կանանց համար):

«Կենսաթոշակային տարիքի բարձրացումը համաշխարհային միտում է», - նշել է Դու Պենը:

Հրապարակման մեջ նշվում է, որ երկրին անհրաժեշտ է միջոցներ ձեռնարկել ազգային կենսաթոշակային համակարգը փոխելու համար, քանի որ դա կնվազեցնի երկրի տնտեսության բեռը։ Այս ուղղությամբ մեկ քայլ կարող է լինել տարեց քաղաքացիների զբաղվածության խթանումը:

Չինաստանի իշխանությունները հայտարարել են 2021 թվականին կենսաթոշակային տարիքի բարձրացման մասին: Նախատեսվում է կենսաթոշակային տարիքը հասցնել 65 տարեկանի։ Բայց մինչ այժմ այս ուղղությամբ կոնկրետ քայլեր չեն ձեռնարկվել։