Նեթանյահուն հեռախոսազրույց է ունեցել Բայդենի հետ
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Իսրայելի վարչապետ Բենիամին Նեթանյահուն հեռախոսազրույց է ունեցել ԱՄՆ նախագահ Ջո Բայդենի հետ։ Միացյալ Նահանգների նախագահն ընդգծել է, որ ԱՄՆ-ն աջակցում է Իսրայելին և նրա ինքնապաշտպանության իրավունքին։ Պարոն Նեթանյահուն շնորհակալություն է հայտնել Բայդենին աջակցության համար և ասել, որ Իսրայելին անհրաժեշտ է «երկար և հզոր արշավ, որի արդյունքում Իսրայելը կհաղթի», հաղորդում է Իսրայելի վարչապետի գրասենյակը X սոցիալական ցանցում։
Իսրայելի Պաշտպանության բանակի (IDF) խոսնակ Ռիչարդ Հեխտը CNN-ի եթերում հույս է հայտնել, որ այսօր՝ հոկտեմբերի 7-ի վերջում, երկրում «ոչ մի կենդանի ահաբեկիչ» չի մնա։ Հեխտն ասել է, որ Իսրայելի պաշտպանության բանակը զգուշանում է հարձակումներից հյուսիսից՝ Լիբանանից կամ Սիրիայից: Նա ընդգծել է, որ իսրայելական բանակը պատրաստ կլինի այս երկրների տարածքից պաղեստինյան խմբավորումների ներխուժմանը։
