«Միլանի» ֆուտբոլիստ է անհետացել․ ի՞նչ է հայտնի
ՍպորտՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Շվեդիայում անհետացել է «Միլանի» հարձակվող Էմիլ Ռոբակը: Ֆուտբոլիստը, որը վարձավճարով հանդես է գալիս շվեդական «Նորրչյոպինգ» ակումբում, արդեն 14 օր չի շփվել թիմի ու հարազատների հետ։ Հայտնում է Corriere della Sera-ն։
2023 թվականի մարտին ֆուտբոլիստը վարձավճարով տրվել է «Նորրչյոպինգ» ակումբին մինչև 2023 թվականի նոյեմբերը։ Էմիլ Ռոբակն իր վերջին հանդիպումն անցկացրել է Շվեդիայի Բարձրագույն լիգայում 2023 թվականի սեպտեմբերի 23-ին։ Հոկտեմբերի սկզբին ակումբի մարզական տնօրեն Թոնի Մարտինսոնը կապ է հաստատել լրատվամիջոցների հետ՝ անհայտ կորած խաղացողի մասին հայտարարությամբ։
«Ես ուզում եմ իմանալ, որ նա լավ է: Ես ուզում եմ, որ նա գա այստեղ, որպեսզի մենք կարողանանք գտնել լուծում, որն աշխատում է բոլորի համար: Ես չեմ կտրել հույսը, որ նա կվերադառնա, բայց դժվար է պատկերացնել, քանի որ մենք նրան չենք տեսել 14 օր»,- ասել է Թոնի Մարտինսոնը Norrkping Tidningar թերթին։
La Gazzetta dello Sport-ը գրել է, որ «Միլանը» կապի մեջ է շվեդական ակումբի ղեկավարության և ֆուտբոլիստի գործակալի հետ: Առաջիկայում պետք է բացատրական հանդիպում կայանա շվեդական ակումբի եւ խաղացողի միջեւ։
