Իրանում կանխատեսել են Իսրայելի ճակատագիրը
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Իսլամական հեղափոխության պահապանների կորպուսի (ԻՀՊԿ) գլխավոր հրամանատար Հոսեյն Սալամին ասել է, որ ԱՄՆ-ն չի կարողանա փրկել Իսրայելին, և այն «անպայման կընկնի»։ Այս մասին հայտնում է ՌԻԱ Նովոստին։
Ըստ Սալամիի՝ Իսրայելն իրենից ներկայացնում է հետախուզական պատ, որը փլուզվել է ՀԱՄԱՍ-ի գործողության ժամանակ։ Երուսաղեմը «չի կարող գոյատևել իր հանցավոր պատմությամբ»։
«Իսրայելի զսպման կարողությունները խաթարվել են, և Միացյալ Նահանգները չի կարողանա փրկել Իսրայելին, այն անպայման կկործանվի», - ասել է Սալամին:
Մինչ այս Իրանի արտգործնախարար Հոսեյն Ամիր Աբդոլլահիանը հայտարարել էր, որ պաղեստինյան ՀԱՄԱՍ խմբավորման հետ Իսրայելի պատերազմի մասշտաբները անխուսափելիորեն կմեծանան։
