ՏԵՍԱՆՅՈՒԹ․ 41 հնդիկ шշխшտողներ արդեն ինը օր է, գտնվում են փլուզված թունելի փլшտшկների տшկ
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Տեսախցիկը ֆիքսել է 41 աշխատողներին, որոնք Հնդկաստանի Ուտարակհանդ նահանգում թունելի փլուզումից հետո փլատակներում են գտնվում արդեն 9 օր։
BBC-ն հաղորդում է, որ տեսանյութն արվել է էնդոսկոպիկ տեսախցիկի օգնությամբ, որն արգելափակված աշխատողներին է փոխանցվել թունելի մեջ նոյեմբերի 20-ին անցկացված խողովակի միջոցով։
Տեսանյութը՝ այստեղ
Փրկարարները նաև խողովակի միջոցով առաջին անգամ աշխատողներին տաք կերակուր են ուղարկել։ Մինչ այս նրանց թեթև ուտեստներ էին ուղարկվում ավելի վաղ անցկացված նեղ խողովակով։
Միջադեպը տեղի է ունեցել նոյեմբերի 12-ին Ուտարկաշիի շրջանում։ Փլուզումից հետո արգելափակված տղամարդկանց հետ կապ է հաստատվել։ Այդ օրվանից աշխատողներին ապահովում են թթվածնով, սննդով և ջրով, մինչև հնարավոր կլինի դուրս բերել նրանց փլուզված թունելից։
Նոյեմբերի 20-ը փրկարարական աշխատանքնեի համար բեկումնային էր, քանի որ փրկարարներին հաջողվել է փլատակների միջով 15 սմ տրամագծով խողովակ հրել թունելի ներս։ Լայն խողովակը հնարավորություն կտա ավելի շատ թթվածին մատակարարել արգելափակված աշխատողներին, ինչպես նաև բջջային հեռախոսներ և լիցքավորիչներ։
Փրկարարական գործողությունը մի շարք խոչընդոտների և ձգձգումների է բախվել փափուկ հողի և թափվող բեկորների պատճառով։ Փրկարարները ծրագրում են 900 մմ-անոց խողովակ անցկացնել, որպեսզի արգելափակված աշխատողները կարողանան դրա միջով սողալով դուրս գալ թունելից:
