Երևանի ավագանին ընդունեց 2024 թվականի բյուջեն
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
32 կողմ, 4 դեմ ձայնով Երևանի ավագանին ընդունեց 2024-ի բյուջեի նախագիծը։
«Երևան քաղաքի 2024թ. բյուջեի նախագծում եկամուտների ընդհանուր գումարը նախատեսվել է 124 մլրդ 639 մլն դրամ: Նախագծով նախատեսված եկամուտների ընդհանուր ծավալում սեփական եկամուտները կազմում են 61 մլրդ 514 մլն դրամ: ՀՀ պետական բյուջեից տրամադրված դոտացիաների գծով նախատեսվել է 14 մլրդ 136 մլն դրամ, այսինքն` 2023 թ. հաստատված ցուցանիշից 706 մլն դրամով ավելի: Երևան քաղաքի 2024 թվականի բյուջեի նախագծի ծախսային մասը ծրագրվել է 124 մլրդ 917 մլն դրամի չափով: Ծախսերի ամբողջ ծավալի 85.5 տոկոսը բաժին է ընկնում ընթացիկ ծախսերին»,-նախագիծը ներկայացրեց Երևանի քաղաքապետարանի Ֆինանսական վարչության պետ Վիլեն Արևշատյանը:
2024թ. Երևանի զարգացման ծրագրով նախատեսվում է՝
171 հատ 8.5 մետրանոց ավտոբուսների գնում, մետրոպոլիտենի վագոնների արդիականացում, 30 հատ նոր տրոլյեբուսների ձեռքներում, 350 լուսացույցերի կարգավորման նոր համակարգի ներդրում, 420 էլեկտրալիցքավորման կայանների կառուցում,
600 վերելակների փոխարինում, 28 փողոցներում լուսավորության համակարգի արդիականացում:
