Երևանի մի քանի դպրոցներում տնօրեններ են պաշտոնից ազատվել, նոր նշանակումներ են կատարվել
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երևանի քաղաքապետի որոշումներով մի քանի նշանակումներ են կատարվել Երևանի դպրոցների տնօրենների պաշտոններում։
Հունվարի 3-ի որոշմամբ՝ Սուսաննա Սիմոնի Արշակյանին՝ 2024 թվականի հունվարի 3-ից ազատվել է «Երևանի Ջորջ Դունայանցի անվան հ.154 հիմնական դպրոց» պետական ոչ առևտրային կազմակերպության տնօրենի պաշտոնից․ լուծվել է նրա հետ 2021 թվականի դեկտեմբերի 10-ին կնքված աշխատանքային պայմանագիրը:
«Երևանի Ջորջ Դունայանցի անվան հ.154 հիմնական դպրոց» պետական ոչ առևտրային կազմակերպության տնօրենի պարտականությունների կատարումը ժամանակավորապես վերապահվել է նույն կազմակերպության տնօրենի տեղակալ Արմինե Ապրեսյանին։
Հունվարի 4-ի որոշմամբ՝ Արմեն Լևոնի Վարդերեսյանին` 2024 թվականի հունվարի 4-ից նշանակվել է «Երևանի Ջորջ Դունայանցի անվան հ.154 հիմնական դպրոց» պետական ոչ առևտրային կազմակերպության վարչատնտեսական մասի համակարգողի պաշտոնում։ Կնքվել է աշխատանքային պայմանագիր 5 տարի ժամկետով՝ 2024 թվականի հունվարի 4-ից մինչև 2029 թվականի հունվարի 4-ը ներառյալ:
Այս որոշումները ստորագրել է Երևանի քաղաքապետի առաջին տեղակալ, Երևանի քաղաքապետի պաշտոնակատար Արմեն Փամբուխչյանը։
Երևանի քաղաքապետ Տիգրան Ավինյանի հունվարի 16-ի որոշմամբ էլ Լիլիա Մորիսի Դավթյանը 2024 թվականի հունվարի 16-ից ազատվել է «Երևանի հ.136 հիմնական դպրոց» պետական ոչ առևտրային կազմակերպության տնօրենի պաշտոնից, լուծվել է նրա հետ 2019 թվականի հունվարի 15-ին կնքված աշխատանքային պայմանագիրը:
«Երևանի հ.136 հիմնական դպրոց» պետական ոչ առևտրային կազմակերպության տնօրենի պարտականությունների կատարումը ժամանակավորապես վերապահվել է նույն կազմակերպության տնօրենի տեղակալ Անաիդա Աղաջանյանին:
