«Տեղեկացված եմ Հայաստանի հետ խաղաղության հասնելու քայլերի մասին»․ Սունակը՝ Ալիևին
ՔաղաքականությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Մեծ Բրիտանիայի վարչապետ Ռիշի Սունակը շնորհավորել է Ադրբեջանի նախագահ Իլհամ Ալիևին՝ նախագահի պաշտոնում վերընտրվելու կապակցությամբ։
«Վերջին 30 տարիների ընթացքում մեր երկրների հարաբերություններն էլ ավելի են ամրապնդվել։ Միայն վերջին 12 ամիսների ընթացքում մենք միասին աշխատել ենք Ուկրաինային աջակցելու շուրջ, ռազմավարական երկխոսություն ենք անցկացրել Լոնդոնում, կիսվել փորձով ականազերծման ոլորտում և շարունակել կառուցել մեր առևտրային հարաբերությունները»,- ասվում է Մեծ Բրիտանիայի վարչապետի ուղերձում։
Սունակը նշել է, որ 2024 թվականն ավելի նշանակալից է Ադրբեջանի համար, քանի որ երկիրը պատրաստվում է նոյեմբերին ընդունել COP29-ը։
«Տեղեկացված եմ նաև Հայաստանի հետ խաղաղության հասնելու քայլերի մասին։ Սա պատմական շանս է հակամարտությունը դադարեցնելու համար։ Ես բարձր եմ գնահատում այն հսկայական օգուտները, որոնք կայուն համաձայնագիրը կբերի երկու երկրների և ընդհանուր առմամբ տարածաշրջանի բարգավաճմանն ու կայունությանը, և վերահաստատում եմ Մեծ Բրիտանիայի շարունակական աջակցությունը երկու երկրներին՝ կայուն խաղաղության հասնելու համար», - գրել է Սունակը:
