Սահմանին տիրող իրավիճակն այս պահին. ԹԱՐՄԱՑՎՈՂ. 28.09.20

Հասարակություն 28 Սեպտեմբեր, 2020 17:31

Հակառակորդը կրել է մարդկային և տեխնիկայի կորուստներ, մարտերը շարունակվում են:

17:19- Հրետակոծվել են նաև հյուսիսային հատվածի հայկական բնակավայրերը, մասնավորապես Մարտակերտը. Արծրուն Հովհաննիսյանը՝ Արցախում տիրող վիճակի մասին

Նորից կիզակետում շարունակում են մնալ հյուսիսային ուղղությունը և հարավային ուղղությունը։ Ադրբեջանը հրետանու միջոցների մեծաքանակ կիրառությամբ, այդ թվում նաև հրանետային միջոցների կիրառմամբ նոր հարձակումներ է սկսել, որոնք հաջողությամբ հայկական զինված ուժերը հետ են մղում՝ հակառակորդին պատճառելով զգալի կորուստներ։ Այս մասին այսօր տեղի ունեցած ասուլիսի ժամանակ ասաց ՊՆ ներկայացուցիչ Արծրուն Հովհաննիսյանը։

«Մասնավորապես րոպեներ առաջ Արցախի ՊՆ-ն հրապարակեց տեսանյութերով հիմնավորված տեղեկություն, որ հարավային ուղղությամբ բավականին լայնածավալ հարձակողական գործողությունները ադրբեջանական զինուժի հետ են մղվել տանկային ստորաբաժանումներով և այդ ընթացքում ադրբեջանական զինված ուժերը կորցրել են ևս մոտ 10-11 միավոր զրահատեխնիկա՝ հիմնականում տանկեր։ Հետ են շպրտվել ելման դիրքեր և այդ ուղղությամբ այս պահին համեմատաբար հանգիստ են, ընթանում են թեթև մարտեր, այլ ուղղություններով մարտերը շարունակվում են»,- ասաց Հովհաննիսյանը։

Նա նշեց, որ հրետանու կիրառությունը օրվա ընթաքում բավականին մեծ էր. «Հրետակոծվել են նաև հյուսիսային հատվածի հայկական բնակավայրերը, մասնավորապես Մարտակերտը, Մարտակերտի հարակից բնակավայրերում նաև կրակի տակ է ընկել լրատվամիջոցների ներկայացուցիչները»։

Հովհաննիսյանի խոսքով հակառակորդի կորուստները ճշտվում են. «Լրացուցիչ կհայտնենք հակառակորդի կորուստների մասին, այլ վիրավորներ են տեղափոխվել ՀՀ հիվանդանոցներ և հոսպիտալներ, պետք է ասեմ, որ վիրավորների մեծ մասը ունի թեթև վիրավորումներ և շատերը արդեն առաջին բուժօգնությունից հետո վերադարձել են շարք, կատարում են իրենց մարտական խնդիրները։

16:50- Զինծառայող Հարութ Գևորգյանը չի զոհվել. ՊԲ կայքում հրապարակված զոհերի մասին տեղեկատվության մեջ տեղի է ունեցել սխալ

Հարգելի հայրենակիցներ
Այսօր ՊԲ կայքում հրապարակված զոհերի մասին տեղեկատվության մեջ տեղի է ունեցել սխալ: Զինծառայող Հարութ Սաղաթելի Գևորգյանը չի զոհվել, նա վիրավորում է ստացել: Հայցում ենք զինծառայող Գևորգյանի հարազատների ներողամտությունը և մաղթում շուտափույթ ապաքինում:

Այս մասին հայտնում են տեղեկատվական շտաբից։

15:34- Արսեն Թորոսյանը Արցախում է

Առողջապահության նախարար Արսեն Թորոսյանը մեկնել է Արցախի Հանրապետություն` տեղում ծանոթանալու հակառակորդի կողմից իրականացված ռազմական գործողություններից տուժածների առողջական վիճակին, տրամադրվող բժշկական օգնությանը:

Այցի ընթացքում Արսեն Թորոսյանը հանդիպել է Արցախի Հանրապետության նախագահ Արայիկ Հարությունյանին, պետնախարար Գրիգորի Մարտիրոսյանին, առողջապահության նախարար Արարատ Օհանջանյանին:

Այնուհետև նախարարն այցելել է Ստեփանակերտի հանրապետական հիվանդանոց, ծանոթացել հոսպիտալացվածների առողջական վիճակին, գործընկերոջ հետ քննարկել բուժօգնության կազմակերպման հարցեր:

14։44-Կրկին ունենք զոհեր

Սեպտեմբերի 28-ին հակառակորդի դեմ ծավալված մարտերի ընթացքում նահատակված զինծառայողները

Աղբալյան Տիգրան Սուրենի, ծնվ. 2001թ.

Գևորգյան Կարեն Ազատի, ծնվ. 2000թ.

Գասպարյան Վահե Սաշայի, ծնվ. 2000թ.

Սարգսյան Սարգիս Արմենի, ծնվ. 2002թ.

Ղազարյան Հարություն Արտաշեսի, ծնվ. 2000թ.

Սիմոնյան Արամ Արտաշեսի, ծնվ. 2001թ.

Հարությունյան Նարեկ Վոլոդյայի, ծնվ. 2001թ.

Գևորգյան Աղասի Հակոբի, ծնվ. 2000թ.

Բադալյան Դավիթ Կարենի, ծնվ. 2001թ.

Գրիգորյան Հայկ Ավետիքի, ծնվ. 2001թ.

Մարտիրոսյան Ալեքս Գրիմայի, ծնվ. 2001թ.

Բաբայան Գեորգի Կամոյի, ծնվ. 2001թ.

Թովմասյան Շանթ Սարգսի, ծնվ. 2000թ.

Հակոբյան Հենրիկ Գուրգենի, ծնվ. 2002թ.

Խաչատրյան Արման Արթուրի, ծնվ. 2001թ.

Սարգսյան Նարեկ Արայիկի, ծնվ. 2001թ.

Ղարիբյան Արտաշես Ռուբիկի, ծնվ. 1999թ.

Հովակիմյան Մհեր Աշոտի, ծնվ. 2000թ.

Հայկյան Նիկոլայ Միքայելի, ծնվ. 1972թ.

Պողոսյան Արման Լեռնիկի, ծնվ. 1992թ.

Միքայելյան Աղասի Վրեժի, ծնվ. 1992թ.

Գևորգյան Հարութ Սաղաթելի, ծնվ. 1996թ.

Մազմանյան Սմբատ Հմայակի, ծնվ. 1998թ.

Քեշիշյան Հարություն Կարապետի, ծնվ. 1986թ.

Մարուքյան Սամվել Գագիկի, ծնվ. 1998թ.

Միրզոյան Վահե Հայկազի, ծնվ. 2000թ.

Ելիսեեվ Հովհաննես Օլեգի, ծնվ. 2001թ.

Գրիգորյան Արամ Սամվելի, ծնվ. 2000թ.

13:17-Բաքվի օդանավակայանը ժամանակավորապես սահմանափակում է աշխատանքը Ադրբեջանում ռազմական դրության պատճառով

Հեյդար Ալիեւի անվան Բաքվի միջազգային օդանավակայանը ժամանակավորապես տեղափոխվել է աշխատանքի սահմանափակ ռեժիմի՝ Ադրբեջանում հայտարարված ռազմական դրության պատճառով: Այս մասին հայտնում է ТАСС-ը։

«Ադրբեջանի տարածքում ռազմական դրության պատճառով Հեյդար Ալիեւի անվան միջազգային օդանավակայանը ժամանակավորապես անցնում է աշխատանքի սահմանափակ ռեժիմի», - ասված է հաղորդագրության մեջ:

Մասնավորապես, նշվում է, որ դադարեցվել են «Ադրբեջանական ավիաուղիների» (ԱԶԱԼ) բոլոր չվերթները Բաքու - Նախիջեւան - Բաքու ուղղությամբ, որոնք նախատեսված են մինչեւ սեպտեմբերի 30-ը ներառյալ: Բացի այդ, չեղյալ են հայտարարվել Բաքու - Լոնդոն - Բաքու (հոկտեմբերի 1) եւ Բաքու - Բեռլին - Բաքու (հոկտեմբերի 2) երթուղիներով ԱԶԱԼ-ի չվերթները:

Հաղորդվում է նաև մի շարք օտարերկրյա ավիափոխադրողների թռիչքների չեղարկման մասին։ Այսպես, «Աերոֆլոտը» չեղյալ է հայտարարել Մոսկվա - Բաքու - Մոսկվա չվերթները, որոնք նախատեսված են հոկտեմբերի 1-ին եւ 4-ին, FlyDubai- ը՝ Դուբայ - Բաքու - Դուբայ երթուղով, որոնք նախատեսված են սեպտեմբերի 29-ին, հոկտեմբերի 1-ին եւ 3-ին, իսկ «Բելավիան»՝ հոկտեմբերի 2-ին եւ 4-ին:

Ադրբեջանի իշխանությունները սեպտեմբերի 28-ից երկրի տարածքում ռազմական դրություն են հայտարարել ղարաբաղյան հակամարտության գոտում լարվածության սրման պատճառով:

13:05-Բաքվում հայտնել են 26 քաղաքացիական անձանց վիրավորվելու մասին

Ադրբեջանական քաղաքացիական անձանց թիվը ավելացել է Մինչեւ 26-ը, որոնք վիրավորվել են հայկական զինված ուժերի կողմից Լեռնային Ղարաբաղի շփման գծի մերձակայքում գտնվող բնակավայրերի հրետանային գնդակոծությունների հետեւանքով: Այս մասին հայտնել Է Ադրբեջանի գլխավոր դատախազությունը, փոխանցում է ТАСС-ը։

«Ներկայում քաղաքացիական անձանց շրջանում տուժածների թիվը կազմում է 26 մարդ։ Նրանք տարբեր վնասվածքներով տեղափոխվել են հիվանդանոց», - ասված է հաղորդագրության մեջ։ Կիրակի օրը Գլխավոր դատախազությունը հայտնել է ադրբեջանական կողմից 19 վիրավոր քաղաքացիական անձանց մասին։

11:56-Ադրբեջանում մասնակի զորահավաք են հայտարարել

Ադրբեջանի նախագահը երկուշաբթի կարգադրություն Է ստորագրել մասնակի զորահավաքի մասին։ Փաստաթուղթը հրապարակվել է պետության ղեկավարի կայքում, փոխանցում է ТАСС-ը։

«Ղեկավարվելով Սահմանադրության 109-րդ հոդվածի 25-րդ կետով՝ որոշում եմ մասնակի զորահավաք հայտարարել Ադրբեջանի Հանրապետությունում», - ասված է հրամանագրում:

Այդ փաստաթղթով զորահավաքի եւ զինվորական ծառայության զորակոչի պետական ծառայությանը հանձնարարվել է «հաստատված պլանի համաձայն ապահովել զինապարտների զորահավաքային զորակոչը եւ իրականացնել ռազմատրանսպորտային խնդիրներից բխող միջոցառումներ»:

11։25-Այս պահի դրությամբ ունենք մոտ 200 վիրավոր։Մեր զինված ուժերին հաջողվել է դիրքային նոր բարելավվումներ գրանցել։ Այս պահին Ադրբեջանական հրետանին խփում է Մարտակերտ քաղաքը։ Հայտնում է Արծրուն Հովհաննիսյանը։

11։02-Ադրբեջանի կողմից «ՏՕՍ» ծանր հրետանային համակարգերի կիրառումը եղել է անարդյունավետ

Ադրբեջանի կողմից «ՏՕՍ» ծանր հրետանային համակարգերի կիրառումը եղել է անարդյունավետ։ Այս մասին հայտնում է Արցախի Հանրապետության ՊԲ-ն։

ՊՆ, մասնավորապես, հայտնում է.

«Սեպտեմբերի 28-ին արցախյան ռազմաճակատի հարավային եւ հարավ-արեւելյան ուղղություններում հակառակորդը կիրառել է «ՏՕՍ» ծանր հրետանային համակարգեր: Զինատեսակի կիրառումը եղել է անարդյունավետ: Հակառակորդի տարածած բոլոր տեղեկությունները հայկական կողմի կորուստների մասին իրականությանը չեն համապատասխանում:

Արցախի Հանրապետության պաշտպանության նախարարությունը հորդորում է հետեւել բացառապես պաշտոնական լրահոսին»։

9:23- Նախկինում կորցրած մի շարք դիրքերի վերականգնման արդյունքում հակառակորդի մի քանի տասնյակ դիակներ գտնվում են հայկական կողմում. խոսնակ

ՊՆ մամուլի խոսնակ Շուշան Ստեփանյանը ֆեյսբուքյան իր էջում գրել է.

«ՊԲ ստորաբաժանումների կողմից նախկինում կորցրած մի շարք դիրքերի վերականգնման արդյունքում հակառակորդի մի քանի տասնյակ դիակներ գտնվում են հայկական կողմում»:

08:55- Վաղ առավոտյան հակառակորդը վերսկսել է հարձակողական գործողությունները

ՀՀ ՊՆ մամուլի խոսնակ Շուշան Ստեփանյանը ֆեյսբուքյան իր էջում գրել է. «Գիշերվա ընթացքում մարտերը շարունակվել են տարբեր ինտենսիվությամբ։ Վաղ առավոտյան հակառակորդը վերսկսել է հարձակողական գործողությունները՝ կիրառելով հրետանային միջոցներ, զրահատեխնիկա, այդ թվում՝ «ՏՕՍ» ծանր հրանետային համակարգ։

Հայկական ստորաբաժանումները սառնասրտորեն դիմագրավում են ադրբեջանական ստորաբաժանումների ոտնձգությունները և ձեռնարկում համապատասխան գործողություններ՝ պատճառելով հակառակորդին անձնակազմի և տեխնիկայի զգալի կորուստներ»։

08:50 - ՊԲ-ն վերականգնել է նախկինում կորցրած մի շարք դիրքեր

Գիշերվա ընթացքում ճակատային գծի հարավային, հարավ-արևելյան և հյուսիսային ուղղություններում շարունակվել են ինտենսիվ մարտական գործողությունները:

ՊԲ-ի ստորաբաժանումների ձեռնարկած հակագրոհի արդյունքում հակառակորդին պատճառվել է կենդանի ուժի և զինտեխնիկայի մեծաքանակ կորուստներ, իսկ ՊԲ-ն վերականգնել է նախկինում կորցրած մի շարք դիրքեր: Այս մասին հայտնում են ԱՀ ՊՆ մամուլի ծառայությունից

08:34 - ՀՀ պաշտպանության նախարարն օպերատիվ խորհրդակցություն է անցկացրել

Սեպտեմբերի 28-ի վաղ առավոտյան ՀՀ պաշտպանության նախարար Դավիթ Տոնոյանն օպերատիվ խորհրդակցություն է անցկացրել ՊՆ, ԶՈՒ ԳՇ և ԶՈԻ ղեկավար անձնակազմի հետ: Նախարարին է զեկուցվել արցախա-ադրբեջանական շփման գծում և Հայաստանի պետական սահմանագոտում տիրող օպերատիվ իրավիճակը։

Խորհրդակցության առանցքում էր ադրբեջանական կողմի սանձազերծած ռազմական գործողությունների հետևանքով ստեղծված իրավիճակը։

Դավիթ Տոնոյանը տվել է համապատասխան հանձնարարականներ հակառակորդի զսպմա, նախահարձակ գործողությունների կազմաքանդող հակազդման և պաշտպանական բանակին անհրաժեշտ աջակցության ցուցաբերման շուրջ։

08:20 - Գիշերը մարտական գործողությունները շարունակվել են

Գիշերը մարտական գործողությունները շարունակվել են, մեր ԶՈւ-երը ունեն նշանակալի հաջողություններ: Այս մասին Facebook-ի իր էջում գրել է ՊՆ ներկայացուցիչ Արծրուն Հովհաննիսյանը:

«Սակայն դեռ հանգիստ չէ, մարտերը շարունակվում են, որոշ տեղերում հրետանային մենամարտեր են: Մեր զորքերի մասին ադրբեջանական կողմի հայտնած կորուստները չեն համապատասխանում իրականությանը»,-գրել է նա:

08:10 - Նահատակվել են ևս 15 զինծառայողներ. Արցախի ՊՆ-ն ներկայացնում է անունները

Սեպտեմբերի 27-ին հակառակորդի դեմ ծավալված մարտերի ընթացքում նահատակվել են ևս 15 զինծառայողներ: Այս մասին հաղորդում է Արցախի ՊՆ-ն:

Հիշեցնենք, որ նախօրեին նշվում էր 16 զոհի մասին:

Ներսիսյան Սասուն Գրենիկի, ծնվ. 2002թ.

Խաչատրյան Խորեն Յուրայի, ծնվ. 1983թ.

Գրիգորյան Արմեն Նիկոլայի, ծնվ. 1984թ.

Աղասարյան Յուրի Հայկի, ծնվ. 2001թ.

Աճեմյան Գարիկ Արամի, ծնվ. 2002թ.

Գալոյան Գևորգ Մարզպետի, ծնվ. 2001թ.

Աբրահամյան Գուրգեն Վարդանի, ծնվ. 2001թ.

Յարավյան Գոռ Հրանտի, ծնվ. 2002թ.

Ափոզյան Հովհաննես Օնիկի, ծնվ. 2000թ.