Ամերիաբանկի և BOGG-ի հաջող գործարքը կարող է էժան փողեր ու ներդրումներ բերել Հայաստան․ փորձագետ
Հասարակություն
«Ամերիան, եթե դառնա BOGG-ի անդամ, անուղղակիորեն մի քայլ առաջ է գնում միջազգային կապիտալի
շուկաներին հասանելիություն ապահովելու տեսանկյունից։ Ի՞նչ է դա տալիս։ Փողը աշխարհում շատ է, մարդիկ չգիտեն՝ որտեղ ներդնել։ Այդ ազատ փողը հոսում է միջազգային ֆինանսական կենտրոններ՝ Լոնդոն, Նյու Յորք, Տոկիո և այլն։ BOGG-ն ցուցակված է Լոնդոնի բորսայում, նշանակում է՝ հասանելիություն ունի էժան փողին:
Այսպիսով կարողանում է այդ փողը ներգրավել և բաշխել ըստ ոլորտների»,- անդրադառնալով Ամերիաբանկի և BOGG-ի միջև հավանական գործարքին՝ այսօր այս մասին «Կիզակետում Արկադի Գրիգորյանի հետ» հաղորդման ժամանակ ասել է Եվրասիական ֆոնդային բորսաների ֆեդերացիայի գլխավոր քարտուղար Կոնստանտին Սարոյանը։
«Եթե Հայաստանում կարիք լինի ավելացնելու ֆինանսավորման ծավալները, BOGG-ն հնարավորություն ունի էժան փող բերել։ Ամերիան էլ, իր հերթին բացի էժան վարկեր տալուց, կարող է ուղղակի ներդրումներ անել տնտեսության մեջ»,- նշել է Սարոյանը։
Հարցազրույցն ամբողջությամբ՝ սկզբնաղբյուր կայքում։
