Էրդողանը 12 տարի անց կմեկնի Իրաք
ՔաղաքականությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Թուրքիայի նախագահ Ռեջեփ Թայիփ Էրդողանը 2012 թվականից հետո կրկին կայցելի Իրաք:
Այս մասին հայտնում է թուրքական birgun.net-ը:
Թուրքիայի արտաքին գործերի փոխնախարար Ահմեթ Յըլդըզը նշել է, որ Թուրքիայի նախագահի այցը Բաղդադ տեղի կունենա մինչև ապրիլ ամսվա վերջն ընկած ժամանակահատվածում:
«Այս այցի ժամանակը եկել է, և դա տեղի կունենա մինչև ապրիլի վերջը»,-ասել է նա։
Յըլդըզը հայտարարել է, որ մարտի 13-ին Իրաքի արտաքին գործերի նախարարությունում հանդիպումներ են ունենալու պաշտոնյաների հետ:
«Մենք կքննարկենք մեր հարաբերությունները, առաջիկա նախարարների հանդիպման և մեր նախագահի այցի շուրջ նախապատրաստական աշխատանքներ կտանենք»,- ասել է նա։
Էրդողանը վերջին անգամ Բաղդադ է այցելել 2012թ.-ին, երբ դեռ Թուրքիայի վարչապետն էր:
