ԶՊՄԿ հովանավորությամբ բռնցքամարտի սաները ակտիվորեն մասնակցում են տարբեր մրցաշարերի
Քաղաքականություն
ԶՊՄԿ-ն մշտապես խթանում է տարածաշրջանում և ոչ միայն, սպորտի զարգացումը: Բռնցքամարտը ևս բացառություն չէ, և մարզաձևով զբաղվող սաները ԶՊՄԿ հովանավորությամբ ակտիվորեն մասնակցում են տարբեր մրցաշարերի` հանրապետությունում և արտերկրում:
Օրերս, ԶՊՄԿ կայուն զարգացման գծով տնօրեն Արմեն Ստեփանյանը նվերներով այցելեց ընկերության մարզահամալիրի բռնցքամարտի սաներին:
«Կարևորում ենք ներդրումն ապագա սերնդի մեջ, և իհարկե խրախուսում ձեռքբերումները: Որպես տարածաշրջանի խոշոր ընկերություն` նպաստում առողջ սերնդի դաստիարակությանը` որքանով կարող ենք:
Եվ եթե խոսում ենք կայուն զարգացման մասին, ապա այս ներդրումն` ամենակարևոր բաղադրիչներից է»-շեշտեց նա:
