Երկրի ղեկավարության դեմ մահափորձի կասկածանքով Ղրղզստանում հինգ ադրբեջանցի է ձերբակալվել
ՔաղաքականությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ղրղզստանի Ազգային անվտանգության պետական կոմիտեն հայտարարություն է տարածել Ադրբեջանի 5 քաղաքացու բռնելու մասին, որոնք տրանսազգային հանցավոր խմբավորման անդամ են։
Հատուկ ծառայության տվյալներով՝ նրանք ծրագրում էին մահափորձ կատարել հանրապետության ղեկավարության դեմ, տեղեկացրել է «Московский комсомолец»-ը։
Փաստաթղթում նշվել է, որ բռնվել են Ալիեւ Վ.Մ.-ն, Բահղիրով Ս.Ա.-ն, Ասղարով Մ.Օ.-ն, Բեհբուդրով Մ.Ս.-ն եւ Մամեդով Զ.Ի.-ն։ Ղրղըզ իրավապահների տվյալներով՝ ձերբակալված Ասղարովը, որը քրեական աշխարհում այսպես կոչված «թափառականի» կարգավիճակ ունի, Ղրղզստան է ժամանել երկրի ղեկավարության դեմ մահափորձ կազմակերպելու նպատակով՝ կազմակերպված հանցավոր խմբերի դեմ պետության իրականացրած ակտիվ պայքարի քաղաքականության պատճառով։
Օպերատիվ միջոցառումներն իրականացվել են մարտի 22-ին։ Ներկայում շարունակվում են քննչական միջոցառումները։
