Արմավիրի մարզում «Նոր գույներ» երիտասարդական մշակութային զարգացման կենտրոն է բացվել (լուսանկարներ)
Հասարակություն![Արմավիրի մարզում «Նոր գույներ» երիտասարդական մշակութային զարգացման կենտրոն է բացվել (լուսանկարներ)](/timthumb.php?src=disc/13-07-24/2e3178901344a86093b4392ba695a539.jpg&w=780)
Արմավիրի մարզում «Նոր գույներ» երիտասարդական մշակութային զարգացման կենտրոն է բացվել։ Ծրագիրը Զարգացման լիդերների ֆորումի ևս մեկ հաղթող է, որն անցկացվել է 2023 թվականի դեկտեմբերին` Գյումրիում, Զարգացման ազգային գիտահետազոտական ինստիտուտի և МИР հիմնադրամի աջակցությամբ:
Հիմնադրամի տնօրեն Գագիկ Ալոյանն իր ողջույնի խոսքում շնորհակալություն է հայտնել Զարգացման ազգային գիտահետազոտական ինստիտուտին Ռուսաստանի և Հայաստանի միջև մշակութային և կրթական կապերի ամրապնդմանն ուղղված մարդասիրական ծրագրերին աջակցելու համար և հույս է հայտնել հետագա համագործակցության վերաբերյալ։
Արմավիրի քաղաքապետ Վարշամ Սարգսյանն իր հերթին շնորհավորել է բնակավայրի բնակիչներին։
Լուկաշին համայնքի ղեկավար Գևորգ Զեյնալյանը նույնպես նկատել է ծրագրի մեծ նշանակությունը տեղի բնակչության համար։
«Վստահ եմ, որ «Նոր գույներ» կենտրոնը կդառնա մատաղ սերնդի մշակութային փոխգործակցության և կրթական գործունեության առանցքային օղակը՝ նպաստելով Ռուսաստանի և Հայաստանի ժողովուրդների միջև փոխըմբռնմանը, հարգանքին և բարեկամությանը»,-իր խոսքում նշել է Զեյնալյանը:
Կենտրոնում երեխաները կզբաղվեն ստեղծագործական աշխատանքով, կծանոթանան պատմությանն ու գրականությանը։ Առանձնահատուկ ուշադրություն կդարձվի ռուսաց լեզվի և մշակույթի ուսումնասիրությանը։
![](disc/13-07-24/d904bb27d04983d8eaafd05b6c7d4546.jpg)
![](disc/13-07-24/dae95391cd37ca195e822f7a078d4ab2.jpg)
![](disc/13-07-24/c6ab1c2c733a3b2443ebb0c5caa0c96f.jpg)
![](disc/13-07-24/b4597a92891c7982283411729cd18dd9.jpg)
![](disc/13-07-24/636fde93a929db5e490d3cd7bbf1ab8d.jpg)
![](disc/13-07-24/ed11afffb33630a2f203e18e7d24b49c.jpg)