Թուրքիայում իրավական կարգավորումներ են ընդունել արևային էներգիայի համար
Հասարակություն
Թուրքիայի էներգետիկայի և բնական պաշարների նախարար Ալփարսլան Բայրաքթարն ասել է, որ իր կառավարությունը նպատակ ունի տարեկան առնվազն 5 ԳՎտ նոր արևային և հողմային էներգիայի հզորություն տեղադրել՝ մինչև 2053 թվականը երկրի ածխածնային չեզոքության նպատակին հասնելու համար։
Վերջերս ելույթ ունենալով Համաշխարհային բանկի էներգետիկ փոխակերպման աշխատաժողովում՝ Բայրաքթարն ասել է, որ վերականգնվող էներգիայի այս ծավալն անհրաժեշտ է ամեն տարի մինչև 2035 թվականը, քանի որ այն սկսում է վերականգնվող էներգիայի զարգացման «շատ հավակնոտ» ծրագիր: Բացի սրանից, նախատեսվում է 5 ԳՎտ հզորությամբ ծովային հողմակայան կառուցել։ Ըստ նախարարի, լողացող արևային էլեկտրակայանների վերաբերյալ իրավական կարգավորում է ընդունվել։ Նույն այդ Բայրաքթարը դեռ հունիսին հայտարարում էր, թե Թուրքիան առաջիկա 12 տարիների ընթացքում տարեկան կտեղադրի 3,5 ԳՎտ արևային էներգիա։
Այս նպատակին հասնելու համար Թուրքիան նաև ներդրումներ կկատարի իր հաղորդման համակարգի ընդլայնման և բարելավման մեջ՝ էլեկտրացանցերում տարածք ազատելու համար՝ առաջիկա 10 տարիների ընթացքում մոտ 10 միլիարդ դոլարի ներդրման նպատակով: Հայաստանում արևային վահանակներ արտադրող մեկ ընկերություն կա՝ «Սոլարոնը»։
Աշխեն Մելքոնյան
